کسی بھی مہم جوئی کا جواب دینےکیلئے تیارہیں: آرمی چیف

?️ 11 فروری 2022

اسلام آباد (سچ خبریں) آرمی چیف جنرل قمر جاوید باجوہ کا کہنا ہے کہ دشمن کی  کسی بھی مہم جوئی کا جواب دینے کے لیے ہمیں تیار رہنا چاہیے۔انہوں نے پاک فضائیہ کی پیہ ورانہ مہارتوں اور کامیابیوں  کو سراہتے ہوئے کہا کہ جدید رجحانات سے ہم آہنگ کرکےجنگ میں بالادستی حاصل کی جاسکتی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ  نے پی اے ایف ائیر وار کالج انسٹی ٹیوٹ کراچی کا دورہ کیا اور 35 ویں ائیر وار کورس کے شرکاء سے خطاب کیا، اس موقع پر انہوں نے پاک فضائیہ کی پیشہ ورانہ مہارتوں اور کامیابیوں کوسراہا۔

آئی ایس پی آر کا کہنا ہے کہ آرمی چیف نے افسران پر خود کو جدید رجحانات سے ہم آہنگ کرنے پرزور دیا اور کہا کہ جدید رجحانات سے ہم آہنگ کرکےجنگ میں بالادستی حاصل کی جاسکتی ہے۔آرمی چیف نے آرڈیننس سینٹر ملیر کراچی میں میجر جنرل سید شہاب شاہد کو کرنل کمانڈنٹ کے بیج لگائے۔

آئی ایس پی آر کے مطابق آرمی چیف نے آرڈیننس سینٹر ملیر کراچی میں کرنل کمانڈنٹ کی تقریب میں بھی شرکت کی، اس موقع پر انہوں نے میجر جنرل سید شہاب شاہد کو کرنل کمانڈنٹ کے بیج لگائے جبکہ  آرڈنینس کور کی امن اور جنگ میں خدمات کو سراہا۔