چینی ویکسین کی ایک اور کھیپ پاکستان پہنچ گئی

?️ 17 مارچ 2021

اسلام آباد (سچ خبریں) کورونا ویکسین بنانے والی چینی کمپنی سائینو فارم پاکستان کو کورونا ویکسین مرحلہ وار فراہم کر رہی ہے اسی دوران چین سے خریدی گئی 5 لاکھ ڈوز کورونا ویکسین کی ایک اور کھیپ لے کر طیارہ پاکستان پہنچ گیا ہے ، پاکستان میں فرنٹ لائن ہیلتھ ورکرز کو سائنو فارم ویکسین دی جا رہی ہے۔

تفصیلات کے مطابق ویکسین لے کر چین سے آنے والا خصوصی طیارہ نور خان ایئربیس پر اترا جس میں 5 لاکھ ویکسین بیجنگ سے اسلام آباد لائی گئی ہے ، جہاں سے کورونا ویکسین کو ای پی آئی کے ویئر ہاؤس منتقل کیا گیا ۔بتایا گیا ہے کہ کورونا ویکسین بنانے والی چینی کمپنی سائینو فارم پاکستان کو کورونا ویکسین مرحلہ وار فراہم کرے گی۔

پاکستان نے سائنوفارم سے کورونا ویکسین کی پہلی خریداری کی ہے ، اس سلسلے میں سائینو فارم ویکسین کے ہنگامی استعمال کا اجازت نامہ نیشنل انسٹی ٹیوٹ آف ہیلتھ (این آئی ایچ) کے پاس ہے جب کہ پاکستان کی چینی کمپنی کین سائینو سے ویکسین خریداری پر مزید بات چیت بھی جاری ہے۔

ذرائع کے مطابق سائنوفارم پاکستان کو کورونا ویکسین مرحلہ وار فراہم کرے گی ، جب کہ پاکستان میں فرنٹ لائن ہیلتھ ورکرز کو سائنوفارم ویکسین دی جارہی ہے۔دوسری جانب چین نے اپنی ویکیسن لگوانے والے غیر ملکیوں کو ایک سال کی بندش کے بعد ویزے جاری کرنے اور کورونا کے تناظر میں عائد پابندیوں میں نرمی کا فیصلہ کیا ہے۔

چین نے کہا ہے کہ جو افراد چین کی بنی ہوئی کورونا ویکیسن لگائیں گے صرف وہی ملک میں داخل ہو سکیں گے۔ رپورٹ کے مطابق چین نے اپنی تیار کردہ ویکیسن لگوانے والے ممالک جن میں پاکستان ، امریکا اور بھارت شامل ہیں، کے شہروں کو ایک سال کی بندش کے بعد ویزے جاری کرنے کا اعلان کر دیا ، امریکا میں چینی سفارت خانے کا کہنا تھا کہ چین کی کورونا ویکیسن لگانے والے افراد کو ویزا جاری کرنے کا عمل شروع کر دیا جائے گا۔