پیپلزپارٹی کی وزیراعظم آزاد کشمیر کو استعفی دینے کی مہلت ختم

?️ 28 اکتوبر 2025

مظفرآباد (سچ خبریں) آزادکشمیر کے وزیراعظم چوہدری انوار الحق کے خلاف متوقع تحریک عدم اعتماد کے حوالے سے پیپلز پارٹی کی جانب سے ایک مرتبہ پھر وزیراعظم کو استعفی دینے کے لیے دی گئی مہلت ختم ہوگئی۔

ذرائع کے مطابق پیپلز پارٹی نے وزیراعظم کو پیغام دیا تھا کہ دن دو بجے تک استعفی دے دیں۔ ذرائع کا کہنا ہے کہ پیپلز پارٹی کو 36 ممبران کی حمایت حاصل ہے، دوپہر 2 بجے کے بعد تحریک عدم اعتماد فائنل کی جائے گی۔

ذرائع کا یہ بھی کہنا ہے کہ وزیراعظم کی جانب سے تحریک عدم اعتماد کا مقابلہ کرنے کا فیصلہ کیا گیا ہے۔

گزشتہ روز بھی وزیراعظم آزاد کشمیر نے ایک بیان میں کہا تھا اگر کسی کے پاس نمبرز پورے ہیں تو تحریک عدم اعتماد لے آئے۔