پنجاب کو منشیات سے پاک کرنا حکومت کی پہلی ترجیح ہے۔ عظمی بخاری

?️ 5 اپریل 2026

لاہور (سچ خبریں) وزیرِ اطلاعات پنجاب عظمیٰ بخاری نے کہا ہے کہ پنجاب کو منشیات سے پاک کرنا مریم نواز حکومت کی پہلی ترجیح ہے۔

وزیر اطلاعات پنجاب عظمیٰ بخاری سے سری لنکا کے اعزازی قونصل جنرل یاسین جوئیہ نے ملاقات کی ہے، ملاقات میں پنجاب اور سری لنکا کے درمیان مختلف شعبوں میں تعاون بڑھانے پر تبادلہ خیال کیا گیا ہے۔ ملاقات میں انسداد منشیات اور منشیات کے عادی افراد کے علاج معالجے کے پروگرام پر گفتگو بھی کی گئی۔

عظمیٰ بخاری نے کہا پنجاب حکومت کا منشیات فروشوں کے حوالے سے موقف بہت کلیئر ہے، پنجاب کو منشیات سے پاک کرنا مریم نواز کی پہلی ترجیح ہے تاہم پنجاب میں اب منشیات فروشوں کے لیے کوئی جگہ محفوظ نہیں رہی۔

انہوں نے مزید کہا تعلیمی اداروں میں منشیات کے تدارک کے لیے مہم چلائی گئی ہے، نوجوان نسل کو نشے جیسی لعنت سے محفوظ رکھنا حکومت پنجاب کا اولین ایجنڈا ہے، اس حوالے سے سماجی تنظیم ڈرگ ایڈوائزری ٹریننگ حب کا رول بھی قابل تعریف ہے۔

عظمیٰ بخاری نے کہا پنجاب حکومت منشیات کے مستقل تدارک اور آگاہی کے لیے ڈرگ ایڈوائزری حب کا بھرپور ساتھ دے گی۔