پاکستان کی پہلی وفاقی آئینی عدالت میں مقدمات کی سماعت کا باقاعدہ آغاز

?️

اسلام آباد: (سچ خبریں) پاکستان کی پہلی وفاقی آئینی عدالت نے مقدمات کی سماعت کا باقاعدہ آغاز کردیا۔ میڈیا رپورٹس کے مطابق وفاقی آئینی عدالت کے بینچ نے اسلام آباد ہائیکورٹ کے کمرہ عدالت نمبر دو میں سماعت کا آغاز کیا جہاں چیف جسٹس امین الدین کی سربراہی میں 3 رکنی بینچ مقدمات کی سماعت کر رہا ہے، بینچ میں جسٹس علی باقر نجفی اور جسٹس ارشد حسین شاہ شامل ہیں۔

بتایا گیا ہے کہ وفاقی آئینی عدالت کے چیف جسٹس امین الدین خان نے مقدمات کی سماعت کے لیے تین بینچ تشکیل دیئے ہیں، بینچ ون میں چیف جسٹس امین الدین خان، جسٹس علی باقر نجفی اور جسٹس ارشد حسین شامل ہیں جب کہ آئینی عدالت کا بینچ 2 جسٹس حسن رضوی اور جسٹس کے کے آغا پر مشتمل ہے، بینچ 3 میں جسٹس عامر فاروق اور جسٹس روزی خان کو شامل کیا گیا ہے۔

معلوم ہوا ہے کہ حال ہی میں 27ویں آئینی ترمیم کے نتیجے میں بننے والی وفاقی آئینی عدالت کے مزید 2 ججز نے حلف اٹھا لیا جس کے ساتھ ہی عدالت کے مجموعی ججز کی تعداد 7 ہوگئی، اسلام آباد ہائیکورٹ میں ہونے والی تقریب میں جسٹس روزی خان اور جسٹس ارشد حسین شاہ نے وفاقی آئینی عدالت کے جج کی حیثیت سے حلف اٹھایا، اسلام آباد ہائی کورٹ کے کانفرنس روم میں وفاقی آئینی عدالت کے مزید دو ججوں کی حلف برداری کی تقریب منعقد ہوئی، تقریب میں آئینی عدالت کے چیف جسٹس جسٹس امین الدین خان نے دونوں ججوں سے حلف لیا۔

بتایا جا رہا کہ حلف برداری کی تقریب میں اسلام آباد ہائیکورٹ کے چیف جسٹس سردار سرفراز ڈوگر، جسٹس ارباب محمد طاہر، جسٹس خادم حسین سومرو، جسٹس محمد اعظم خان، جسٹس محمد آصف اور جسٹس انعام امین منہاس نے شرکت کی، اس موقع پر اسلام آباد ہائی کورٹ بار کے عہدیداران اور وکلاء بھی موجود تھے جب کہ اس سے پہلے جسٹس حسن اظہر رضوی، جسٹس عامر فاروق، جسٹس علی باقر نجفی آئینی عدالت کے جج کے طور پر حلف اٹھا چکے ہیں، جسٹس کریم خان آغا نے بھی وفاقی آئینی عدالت کے جج حلف اٹھایا، چیف جسٹس آئینی عدالت جسٹس امین الدین خان نے سب سے پہلے ایوانِ صدر میں اپنا حلف اٹھایا تھا، جس کے بعد انہوں نے آئینی عدالت کے دیگر ججز سے حلف لیا۔

مشہور خبریں۔

پاکستان اور ترکیہ میں تیل و گیس کی تلاش کیلئے 5 مفاہمتی یادداشتوں پر دستخط

?️ 3 دسمبر 2025اسلام آباد: (سچ خبریں) پاکستان اور ترکیہ نے منگل کو تیل و

ٹرمپ نے کئی روس مخالف پابندیوں کو ایک سال کے لیے بڑھایا

?️ 1 مارچ 2025سچ خبریں: خبر رساں ادارے انٹرفیکس کے مطابق امریکی صدر ڈونلڈ ٹرمپ نے

یوکرین کو 457.5 ملین ڈالر کی نئی امریکی امداد

?️ 26 ستمبر 2022سچ خبریں:  امریکی وزیر خارجہ انتھونی بلنکن نے پیر کو اعلان کیا

 نیویارک کے نئے میئر سے ملاقات ہوگی:ٹرمپ

?️ 21 نومبر 2025  نیویارک کے نئے میئر سے ملاقات ہوگی:ٹرمپ  امریکی صدر ڈونلڈ ٹرمپ

عراق نے اردن سے اپنا سفیر واپس بلایا

?️ 21 اگست 2022سچ خبریں:    عراقی وزارت خارجہ کے ترجمان احمد الصحاف نے اعلان

وفاقی حکومت کا ججز کے خط کے معاملے پر انکوائری کرانے کا اعلان

?️ 28 مارچ 2024اسلام آباد: (سچ خبریں) وفاقی حکومت نے ججز کے خط کے معاملے

اپوزیشن لیڈر کی تقرری کیلئے مشاورت مکمل، حتمی فیصلہ کل تک ہونے کا امکان

?️ 14 جنوری 2026اسلام آباد (سچ خبریں) قومی اسمبلی میں اپوزیشن لیڈر کی تقرری کے

مغربی کنارے کے مجاہدین کے پاس اسلحہ کہاں سے آتا ہے؟

?️ 8 ستمبر 2024سچ خبریں: فلسطینی مزاحمتی تنظیموں کی جانب سے مغربی کنارے میں جاری

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے