پاکستان اور ہندوستان کے درمیان ایک بار پھر جوہری تنصیبات کی فہرست کا تبادلہ

?️ 2 جنوری 2022

سچ خبریں:پاکستان اور بھارت نےجوہری ہتھیاروں کے عدم پھیلاؤ کے معاہدے کے تحت مسلسل 31ویں مرتبہ جوہری تنصیبات کی فہرستوں کا تبادلہ کیا ہے۔
پاکستانی وزارت خارجہ نے ہفتے کے روز ایک بیان میں کہا کہ اسلام آباد اور دہلی نے 27 جنوری 1991 کوتیار کیے جانے اور 31 دسمبر 1988 کو طے پانے والے معاہدے کے تحت اپنی جوہری تنصیبات کی فہرست کا تبادلہ کیا ہے۔

روپورٹ کے مطابق یہ کارروائی نئی دہلی اور اسلام آباد کے درمیان تنازع کی صورت میں ایک دوسرے کے خلاف عدم جارحیت کے معاہدے کے مطابق کی گئی اور یکم جنوری 1992 سے لگاتار 31 مرتبہ اس پر عمل درآمد کیا جا چکا ہے،درایں اثنااسلام آباد اور دہلی نے 2008 کے معاہدے کے تحت دونوں ممالک کے درمیان قیدیوں کی فہرستوں کا تبادلہ بھی کیا۔

قابل ذکر ہے کہ اس وقت بھارت کی جیلوں میں 355 پاکستانی قید ہیں جن میں سے 282 عام شہری اور 73 ماہی گیر ہیں جبکہ پاکستان میں 628 بھارتی قیدی ہیں جن میں سے 51 عام شہری اور 577 ماہی گیر ہیں۔، رپورٹ کے مطابق 2008 کے معاہدے کے مطابق پاکستان اور بھارت یکم جنوری اور یکم جولائی کو قیدیوں کی فہرستوں کا تبادلہ کریں گے۔