پاکستان، امریکا کے ساتھ تجارتی تعلقات کو وسعت دینے کیلئے پرعزم

?️

اسلام آباد:(سچ خبریں) امریکا کے لیے پاکستانی سفیر کا کہنا ہے کہ پاکستان، امریکا کے ساتھ تجارتی تعلقات کو بڑھانے کے لیے پرعزم ہے اور ایسا کرنے کے لیے ریگولیٹری نظام میں تبدیلی کر رہا ہے۔

مسعود خان نے یہ یقین دہانی پاکستانی سفارتخانے میں یو ایس سویابین ایکسپورٹ کونسل (یو ایس ایس ای سی) کے ساتھ ملاقات کے دوران کرائی۔

انہوں نے کہا کہ پاکستان ریگولیٹری نظام میں نرمی اور ملک میں کاروبار کو آسان بنانے کے لیے پرعزم ہے، امریکا کے ساتھ تجارتی تعلقات کو بڑھانا حکومت کی اولین ترجیح ہے۔

امریکا 12 ارب ڈالر کے دوطرفہ تجارتی حجم کے ساتھ پاکستان کا سب سے بڑا تجارتی پارٹنر اور برآمدی مقام ہے۔

سال 2022 میں پاکستان نے امریکا کو 5 ارب 90 کروڑ ڈالر سے زائد مالیت کی اشیا برآمد کیں جبکہ امریکا سے 3 ارب 17 کروڑ ڈالر سے زائد کی اشیا درآمد کیں۔

سفیر مسعود خان نے یو ایس ایس ای سی کے وفد کو یقین دلایا کہ پاکستان امریکی کاروباری برادری کے ساتھ زرعی شعبے میں علم، مہارت اور تحقیقی اعداد و شمار کے اشتراک کے ذریعے تعاون بڑھانے کے لیے کام کر رہا ہے جس کا مقصد زرعی پیداوار میں اضافہ کرنا ہے۔

کونسل، یو ایس سویابین سپلائی چین کی پوری رینج کی نمائندگی کرتی ہے جس میں کسان، پروسیسرز، کموڈٹی شپرز، مرچنڈائزرز، منسلک زرعی کاروبار، اور زرعی تنظیمیں شامل ہیں۔

دنیا بھر کے 80 ممالک میں کام کرتے ہوئے یو ایس ایس ای سی سویابین مارکیٹ کی ترقی اور انسانی استعمال، آبی زراعت، اور مویشیوں کی خوراک کی ضروریات کو پورا کرنے میں ایک اہم کردار ادا کرتی ہے۔

کونسل کے چیئرمین ڈوگ ونٹر نے سفیر کو بتایا کہ وہ لائیو اسٹاک کی ترقی اور اس کی سویابین ضروریات کو پورا کرنے میں پاکستان کی مدد کرنا چاہتے ہیں۔

انہوں نے مزید کہا کہ پاکستان کے ساتھ شراکت قائم کرنے کی بڑی گنجائش ہے۔

امریکا سالانہ تقریباً 12 کروڑ ٹن سویابین پیدا کرتا ہے، جس کا 60 فیصد عالمی سطح پر برآمد کیا جاتا ہے جبکہ اس کی پاکستان کو سویابین کی برآمدات سالانہ 10 لاکھ ٹن سے بھی کم ہیں۔

وفد نے پاکستانی ٹیم کے ساتھ جنیاتی طور پر تبدیل شدہ مصنوعات کی درآمد کے حوالے سے ریگولیٹری فریم ورک اور قوانین پر بھی تبادلہ خیال کیا، جس میں سفارت خانے کے وزیر تجارت عظمت محمود بھی شامل تھے۔

مسعود خان نے کہا کہ پاکستان کاروباری برادری کی سہولت کے لیے درآمدات کے ریگولیٹری فریم ورک کو ہموار کر رہا ہے اور منظوری کے عمل کو تیز کرنے کے لیے ہر ممکن کوشش کی جارہی ہے۔

انہوں نے وفد کی حوصلہ افزائی کی کہ وہ اپنے پاکستانی ہم منصبوں کے ساتھ امریکی کسانوں، پروسیسرز، مرچنڈائزرز اور سویابین سپلائی چین کے دیگر اجزا کے روابط بڑھانے میں اپنا کردار ادا کریں۔

مشہور خبریں۔

فوجی ساز و سامان مین مغرب کا چین سے کوئی مقابلہ نہیں

?️ 21 جولائی 2023سچ خبریں:سینٹر فار اسٹریٹجک اینڈ انٹرنیشنل اسٹڈیز نے تائیوان پر امریکہ اور

اسٹیل انڈسٹری کے ساتھ امریکہ کے "آمرانہ” سلوک پر جاپانی غصہ

?️ 3 جون 2025سچ خبریں: واشنگٹن پوسٹ نے اطلاع دی ہے کہ جاپان میں امریکہ

سابق صیہونی وزیراعظم کا نیتن یاھو اور ان کے اہلخانہ پر بہت بڑا الزام

?️ 4 جولائی 2021سچ خبریں:اسرائیل کے سابق وزیر اعظم نے لیکوڈپارٹی کے سربراہ بنیامین نیتن

مغرب اور بین الاقوامی جوہری توانائی ایجنسی کی پالیسیاں منافقا نہ ہیں: پاکستانی وزیر دفاع

?️ 24 جون 2025سچ خبریں: اسلامی جمہوریہ ایران کی جانب سے صہیونیست ریاست کے دہشت

اتنی نالائق اور بے کار اپوزیشن پہلے نہیں دیکھی: شیخ رشید

?️ 6 جون 2021اسلام آباد( سچ خبریں)وفاقی وزیر داخلہ شیخ رشید کا کہنا ہے کہ

شوکت ترین سمیت 4 امیدوار کے کاغذات جمع

?️ 3 دسمبر 2021خیبر پختونخوا(سچ خبریں) خیبرپختونخوا سے سینیٹ کی خالی ہونے والی نشست پر

مسجد اقصیٰ کی بے حرمتی کے دفاع کے لیے حماس اور اسلامی جہاد کا مطالبہ

?️ 6 جون 2024سچ خبریں: حماس اور اسلامی جہاد تحریک نے آج مبینہ فلیگ ڈے

ایوان صدر میں یوم پاکستان پر اعلیٰ ترین سول اعزازات دینے کی تقریب

?️ 23 مارچ 2024اسلام آباد: (سچ خبریں) یوم پاکستان کے موقع پر ایوان صدر میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے