وزیر اعظم عمران خان ٹریک اینڈ ٹریس نظام کا افتتاح کریں گے

?️ 17 نومبر 2021

اسلام آباد (سچ خبریں) وزیر اعظم عمران خان 23 نومبر کو ٹریک اینڈ ٹریس نظام کا افتتاح کریں گے، اعلامیے کے مطابق تمبا کو سیکٹر میں ٹریک اینڈ ٹریس نظام لاگو کیا جا چکا ہے، اور اس نظام میں اشیاء کی پیداوار اور فروخت میں الیکٹرانک نگرانی کی جائے گی، نیا نظام ملکی ریونیو میں اضافے اور ٹیکس چوری کا سد باب کرے گا۔

تفصیلات کے مطابق وزیر اعظم عمران خان 23 نومبر کو ٹریک اینڈ ٹریس نظام کا افتتاح کریں گے، نظام کے تحت تمباکو، کھاد، چینی، سیمنٹ کی پیداوار و فروخت کی الیکٹرانک نگرانی ہوگی۔ اس حوالے سے اعلامیے میں کہا گیا ہے کہ الیکٹرانک نگرانی کا دائرہ کار اشیا کی پیداوار سے صارف کو پہنچنے تک رہےگا ، نیا نظام ملکی ریونیو میں اضافے اور ٹیکس چوری کا سد باب کرے گا۔

اعلامیے کے مطابق تمبا کو سیکٹر میں ٹریک اینڈ ٹریس نظام لاگو کیا جا چکا ہے ، تمباکو اور شوگر سیکٹر کے بعد بقیہ سیکٹرز کی الیکٹرانک نگرانی کا نظام لاگو ہو گا۔ جاری اعلامیے میں کہا گیا ہے کہ نوٹیفائیڈ سیکٹرز کے تمام پیداواری اشیا کی الیکٹرانک نگرانی ہو سکے گی جبکہ اگلے مرحلے میں مشروبات اور پٹرولیم سیکٹر میں ٹریک اینڈ ٹریس نظام لاگو ہو گا۔