?️
کراچی: (سچ خبریں) نگران وزیراعلیٰ سندھ جسٹس (ر) مقبول باقر نے 8 فروری کو ہونے والے عام انتخابات کے انتظامات کا جائزہ لینے کے لیے اجلاس کی صدارت کرتے ہوئے انتظامیہ کو ہدایت کی کہ وہ آزادانہ، منصفانہ اور شفاف انتخابات کو یقینی بنانے کے لیے ضابطہ اخلاق کو نافذ کریں اور شفاف اور پرامن پولنگ کے لیے تمام ضروری سہولیات فراہم کریں۔
انہوں نے انتظامیہ کو ہدایت کی کہ انتخابی مواد کی فول پروف واپسی کو یقینی بنانے کے لیے فرضی مشقیں کی جائیں، یہ مشق پولیس، رینجرز اور فوج کی سیکیورٹی میں کی جانی چاہیے۔
اجلاس کمشنر آفس میں منعقد ہوا، اجلاس میں وزیر اطلاعات احمد شاہ، چیف سیکریٹری ڈاکٹر فخر عالم، آئی جی پولیس رفعت مختار، کمشنر وحید شیخ، ڈی آئی جی ناصر آفتاب، ڈپٹی کمشنر لاڑکانہ ڈاکٹر شرجیل چنہ اور دیگر متعلقہ افسران نے شرکت کی۔
کمشنر لاڑکانو وحید شیخ اور ڈی آئی جی ناصر آفتاب نے نگراں وزیراعلیٰ کو تفصیلی بریفنگ دی۔
لاڑکانہ ڈویژن 5 اضلاع پر مشتمل ہے جن میں لاڑکانہ، قمبر شہدادکوٹ، شکارپور، جیکب آباد اور سکھر شامل ہیں، ڈویژن میں کل 3 کروڑ 59 ہزار 2 ہزار 271 رجسٹرڈ ووٹرز ہیں جن میں ایک کروڑ 93 ہزار 896 مرد اور ایک کروڑ 66 ہزار 375 خواتین شامل ہیں۔
ڈویژن میں 8 قومی اور 17 صوبائی اسمبلی کی نشستیں ہیں، قومی اسمبلی کے انتخاب میں چار خواتین سمیت کل 95 امیدوار حصہ لے رہے ہیں، 10 خواتین سمیت 236 امیدوار ہیں جو 17 صوبائی اسمبلی کی نشستوں کے لیے مقابلہ کر رہے ہیں۔
وزیراعلیٰ کو بتایا گیا کہ الیکشن کمیشن آف پاکستان نے 86 پولنگ سٹیشنز کی نشاندہی کی ہے جو بارش سے متاثرہ ہیں اور ان کی مرمت کی ضرورت ہے۔
وزیراعلیٰ کو بتایا گیا کہ سیاسی جماعتوں کو صرف مخصوص سائز کے پوسٹرز، بینرز، ہینڈ بلز، پمفلٹس، وغیرہ استعمال کرنے کی اجازت ہے، دیواروں اور عمارتوں پر پوسٹر لگانے پر پابندی لگا دی گئی ہے، ہورڈنگز، بل بورڈز، وال چاکنگ اور کسی بھی سائز کے پینا فلیکس پر مکمل پابندی ہے، کار ریلیوں پر پابندی لگا دی گئی ہے اور کارنر میٹنگز کو مقامی انتظامیہ کے ذریعے نوٹیفائی کیا جانا ہے۔
اجلاس کو بتایا گیا کہ آئندہ الیکشن کے لیے کل 16 ہزار704 پولیس اہلکار تعینات کیے جائیں گے، اس کے علاوہ 3ہزار 852 افسران کی معاون فورس بھی تعینات کی جائے گی۔
لاڑکانہ ڈویژن میں پاک فوج کے 2ہزار 552 اہلکار اور کوئیک ری ایکشن فورس کے 133 اہلکار تعینات کیے جائیں گے، ضلع لاڑکانہ میں پاک فوج کے 633 اہلکار اور 33 کیو آر ایف اہلکار ہوں گے ۔
مشہور خبریں۔
نیتن یاہو کی اہلیہ کی سیاسی معاملات میں مداخلت
?️ 8 جولائی 2025سچ خبریں: اسرائیلی وزیر اعظم بنجمن نیتن یاہو کے سابق دفتری ملازم
جولائی
وہ سپرسونک میزائل جس نے خطے کی مساوات کو بگاڑ دیا
?️ 17 ستمبر 2024سچ خبریں: یمنی مسلح فوج کی جانب سے کل صبح 2000 کلومیٹر
ستمبر
انگلینڈ میں 200 پناہ گزین بچے غائب
?️ 26 جنوری 2023سچ خبریں:برطانوی امیگریشن کے وزیر رابرٹ جینرک نے پارلیمنٹ میں ملکی قانون
جنوری
انسانی حقوق کونسل کی اسرائیل کے خلاف اہم قرارداد
?️ 6 اپریل 2024سچ خبریں: اقوام متحدہ کی انسانی حقوق کونسل نے پاکستان کی تجویز
اپریل
معروف ڈراما ’تیرے بن‘ کی اداکارہ سبینہ فاروق کو ’حیا‘ کا کردار کرنے پر دھمکیاں ملنے لگیں
?️ 19 مارچ 2023کراچی: (سچ خبریں) کسی ڈراما یا فلم میں اداکار کی اداکاری اگر
مارچ
اسرائیلی کنیسٹ کے رکن کا "فلسطینی ریاست” کے قیام کا مطالبہ
?️ 1 جون 2025سچ خبریں: "قبضے کے 58 سال” کے موقع پر منعقدہ حیفہ مظاہرے
جون
امریکی شہر سولون میں پہلی مسجد کا افتتاح
?️ 23 نومبر 2021سچ خبریں:امریکہ کے شیگرین اسلامک سنٹر نے اس ملک کی ریاست اوہائیو
نومبر
پاکستان مسائل کے حل کیلیے مذاکرات اور سفارتکاری پر یقین رکھتا ہے، بلاول بھٹو
?️ 9 جون 2025اسلام آباد: (سچ خبریں) سابق وزیرخارجہ اور پاکستان پیپلزپارٹی کے چیئرمین بلاول
جون