وزیراعلیٰ سندھ کا ویکسین نہ لگوانے والے سرکاری ملازمین کی تنخواہیں روکنے کا فیصلہ

?️ 6 جون 2021

کراچی(سچ خبریں) وزیر اعلیٰ سندھ مراد علی شاہ کا کہنا ہے کہ وزیراعلیٰ سندھ نے کہا کہ تمام دکانداروں کو ویکسی نیشن کرانا ہوگی، ویکسی نیشن کرائیں تاکہ ہم دوبارہ نارمل زندگی پر آسکیں، ویکسین نہ لگانے والے سرکاری ملازمین کی تنخواہیں روکیں گے۔

کراچی میں تقریب سے خطاب کرتے ہوئے وزیراعلیٰ سندھ مراد علی شاہ نے کہا کہ میں اپنے فرنٹ لائن ورکرز کا شکریہ ادا کرتا ہوں، سندھ حکومت ہیلتھ ورکرز کی خدمات پر مشکور ہے، آج ایکسپو کے دوسرے ہال کا آغاز کیا ہے، سندھ میں یومیہ 2 لاکھ ویکسی نیشن کرانے کا ہدف ہے، ہم نے تقریباً 3 کروڑ لوگوں کی ویکسی نیشن کرنی ہے، شہریوں سے درخواست ہے کہ ویکسین لگوائیں۔

مراد علی شاہ نے کہا کہ اگر اسکول کھولنے ہیں تو تمام اساتذہ کی ویکسی نیشن ضروری ہے، ہم تمام فیصلے عوام کی بہتری کو دیکھتے ہوئے کریں گے، ٹاسک فورس کے اجلاس میں متفقہ فیصلہ کیا جاتا ہے، عوان حکومت کی مدد کریں تاکہ ہم زیادہ سے زیادہ بحالی کی طرف جائیں، لوگوں کو اگر کوئی تکلیف ہوئی ہے تو سندھ حکومت معذرت چاہتی ہے۔

وفاقی پر تنقید کرتے ہوئے وزیراعلیٰ سندھ نے کہا کہ 7 سال میں سندھ کو کوئی اسکیم نہیں دی گئی، پنجاب کے سڑکوں کے منصوبوں کے لیے وفاق نے پیسے دیے، لاہور سے سکھر تک وفاق اپنے پیسوں سے روڈ بنا رہی ہے، پنجاب کو ترقی دیں مگر سندھ کا بھی خیال رکھا جائے۔

مراد علی شاہ نے کہا کہ کینجھر جھیل سے کراچی کو پانی لانے کی اسکیم وفاق نے ختم کی، اس وقت وفاقی حکومت نے صرف 6 اسکیمیں سندھ کے لیے رکھیں ہیں، سندھ میں پچھلی حکومت کے آخری دنوں میں 27 اسکیمیں تھیں، سندھ کے ساتھ ایسا سلوک کیوں کیا جا رہا ہے۔