وزیراعظم نے کہا ہے بات چیت ہوگی، بلیک میلنگ نہیں ہوگی۔ طلال چوہدری

?️ 24 دسمبر 2025

اسلام آباد (سچ خبریں) وزیر مملکت برائے داخلہ طلال چوہدری کا کہنا ہے کہ وزیراعظم نے کہا ہے کہ بات چیت ہوگی لیکن بلیک میلنگ نہیں ہوگی۔

وزیر مملکت برائے داخلہ کا کہنا تھا کہ تحریک انصاف کی پوزیشن ہر گھنٹے بدلتی رہتی ہے۔ طلال چوہدری کا مزید کہنا تھا کہ تحریک انصاف کے مؤقف میں ابھی وضاحت آنے دیں، بانی پی ٹی آئی خود دو دو، تین تین باتیں کرتے ہیں۔

طلال چوہدری کا کہنا تھا کہ وزیراعظم نےکہا ہے کہ بات چیت ہوگی لیکن بلیک میلنگ نہیں ہوگی۔ واضح رہے کہ اپوزیشن اتحاد تحریک تحفظ آئین پاکستان نے مذاکرات کی حکومتی پیشکش قبول کرلی ہے۔

اپوزیشن اتحاد کا کہنا ہے کہ سیاسی جماعتیں آئین کی بحالی، پارلیمانی اور سویلین بالادستی کے لیے اتفاق کریں تو تیار ہیں۔