ایران کے خلاف جنگ تاریخ کی سب سے بڑی غلطی اور امریکہ کی مکمل ناکامی ہے: میئر شیمر

سچ خبریں:جان مرشائمر، بین الاقوامی تعلقات کے نظریہ ساز اور امریکی پروفیسر، نے ڈیپ ڈائیو پروگرام کو انٹرویو دیتے ہوئے کہا کہ ایران کے خلاف جنگ، عراق جنگ کو بھی پیچھے چھوڑتے ہوئے، امریکی خارجہ پالیسی کی تاریخ کی سب سے بڑی غلطی کے طور پر درج کی جائے گی۔

انہوں نے مزید کہا کہ ٹرمپ جنگ ختم کرنا چاہتے ہیں، لیکن اسے روکنے کا واحد راستہ ہتھیار ڈالنا اور شکست تسلیم کرنا ہے۔ ایسا کوئی راستہ موجود نہیں کہ ہم اس صورتحال کو بچا سکیں۔

مرشائمر نے نشاندہی کی کہ جب آپ دیکھیں گے کہ اس جنگ میں کیا کچھ ہوا، تو یہ امریکہ کے لیے ایک مکمل ناکامی ہے۔ میں ایک ایک کرکے اس کی تمام وجوحات بیان کر سکتا ہوں۔ یہ تاریخ میں امریکی خارجہ پالیسی کی سب سے بڑی تباہ کن غلطی کے طور پر درج کی جائے گی۔

ان کا کہنا تھا کہ یہ جنگ ایک عظیم تباہی ہے۔ ٹرمپ یہ نہیں کہنا چاہتے کہ ہم ناکام ہوگئے، تو آؤ ایک معاہدہ کریں جو ایران کے حق میں ہو۔ وہ اس کے لیے تیار نہیں۔ ان کا خیال ہے کہ شاید وہ ایران کو گھٹنوں پر لا کر انہیں ہتھیار ڈالنے پر مجبور کر سکتے ہیں۔ اس لیے وہ اس مرحلے پر پیچھے نہیں ہٹ رہے۔