?️
اسلام آباد: (سچ خبریں) صدر مملکت ڈاکٹر عارف علوی اور وزیر خزانہ اسحاق ڈار کی ملاقات کے بعد وزیراعظم شہباز شریف اور وزیر اعلی پنجاب پرویز الہی کی ملاقات کا بھی امکان ہے۔
اس بات کا دعوی سینئر صحافی ڈاکٹر شاہد مسعود نے کیا۔انہوں نے جی این این کے پروگرام میں گفتگو کرتے ہوئے کہا کہ عارف علوی اور اسحاق ڈار کی ملاقات کے بعد ایک اور انتہائی اہم ملاقات کرانے کی کوشش کی جا رہی ہے،وہ بھی ایک آئینی ملاقات ہوگی جو وزیر اعظم پاکستان اور وزیر اعلی پنجاب کے مابین ہوگی۔
ہوسکتا ہے آنے والے دنوں میں آپ کو ان دونوں کی اچانک ملاقات ہوتی نظر آئے۔وزیر اعلی پنجاب آنے والے دنوں میں وزیراعظم سے ملاقات کرسکتے ہیں۔ڈاکٹر شاہد مسعود نے مزید کہا کہ پنجاب کابینہ میں ایک نئے رکن کا بھی اضافہ ہوا ہے جس پر عمران خان نے ناراضگی کا اظہار کیا ہے۔
ڈاکٹر شاہد مسعود نے یہ بھی دعویٰ کیا ہے کہ چوہدری شجاعت اور پرویز الہی کے مابین بھی خاموشی سے رابطہ بحال ہوگیا ہے۔
چوہدری شجاعت نے بھی کہا ہے کہ میں نے پرویز الہی کو ایف آئی آر کاٹنے سے منع کیا تھا۔ان سب کی آپس میں بات چیت چل رہی ہے۔
خیال رہے کہ گذشتہ روز پاکستان مسلم لیگ (ق) کے سربراہ چودھری شجاعت حسین نے کہا ہے کہ انہوں نے پرویز الٰہی کو مشورہ دیا تھا کہ عمران خان حملہ کیس کی ایف آئی آر فوجی افسر کے خلاف درج نہیں کریں۔نجی ٹی وی سے گفتگو کرتے ہوئے چوہدری شجاعت نے کہا کہ وفاق، پنجاب اور تمام صوبوں کو اپنی مدت پوری کرنی چاہیے، آصف زرداری میری عیادت کیلئے آئے تھے۔
انہوں نے کہا کہ آصف زرداری سے پنجاب کے معاملے پر کوئی بات نہیں ہوئی، ہو سکتا ہے مستقبل میں پرویز الٰہی سے متعلق کوئی بات ہو۔انہوں نے کہا کہ پی ڈی ایم اور پرویز الٰہی کے بارے میں کوئی بات ہوئی تو بتا دوں گا، پرویز الٰہی سے سیاسی رابطہ نہیں، قومی امور پر بات ہو جاتی ہے۔سربراہ (ق) لیگ نے کہا کہ میرے ذاتی خیال میں پنجاب اسمبلی توڑنے سے آئینی بحران کا خطرہ ہے، عمران سمیت تمام سیاست دانوں کو رابطہ کرنا چاہیے تاکہ کوئی ابہام پیدا نہ ہو۔چوہدری شجاعت نے کہا کہ سیاست دانوں کے رابطے سے معیشت کو نقصان سے بچایا جا سکتا ہے، عمران خان راضی ہوں تو خود وزیراعظم سے بات کروں گا۔
مشہور خبریں۔
واٹس ایپ کی 2024 کی وہ خفیہ ٹِرکس جن کا علم بیشتر افراد کو نہیں ہوسکا
?️ 28 دسمبر 2024سچ خبریں: واٹس ایپ دنیا کا مقبول ترین میسجنگ پلیٹ فارم ہے
دسمبر
پاکستان کا کرنٹ اکاؤنٹ خسارہ جنوری میں 90 فیصد کم ہو کر 24 کروڑ ڈالر
?️ 20 فروری 2023اسلام آباد:(سچ خبریں) توازنِ ادائیگی کے بحران کی وجہ سے درآمدات پر
فروری
یمنی ہمارے 70000 افراد کی جانوں کو خطرے میں ڈال رہے ہیں:امریکہ
?️ 25 دسمبر 2021سچ خبریں:سعودی عرب کے دارالحکومت ریاض میں امریکی سفارت خانے نے دعویٰ
دسمبر
شام پر صیہونی میزائل حملہ
?️ 22 جولائی 2022سچ خبریں:صیہونی قابض فوج نے مقبوضہ جوالان کے علاقے میزائل حملہ کیا
جولائی
تل ابیب اور دمشق نے تعلقات کو معمول پر لانے کے لیے معاہدے پر دستخط کئے: عبری میڈیا
?️ 28 جون 2025سچ خبریں: صہیونی نیٹ ورک "i24 News” نے ایک شامی ذرائع کے
جون
لبنان کے خلاف اسرائیلی وزیر جنگ کے دھمکی آمیز ریمارکس
?️ 23 جون 2022سچ خبریں: 1982 میں لبنان پر صیہونی قبضے کی سالگرہ کے
جون
صیہونی تجزیہ نگار کا حماس کے بارے میں حیران کن انکشاف
?️ 24 اکتوبر 2023سچ خبریں: ایک صہیونی تجزیہ نگار نے نیتن یاہو کی کابینہ پر
اکتوبر
صیہونی کابینہ کو جنگ شروع ہونے کے بعد سے سب سے بڑی ذلت کا سامنا
?️ 2 نومبر 2024سچ خبریں:ایک امریکی میڈیا نے نیتن یاہو کے دفتر سے انتہائی خفیہ
نومبر