یمنی ہمارے 70000 افراد کی جانوں کو خطرے میں ڈال رہے ہیں:امریکہ

?️ 25 دسمبر 2021

سچ خبریں:سعودی عرب کے دارالحکومت ریاض میں امریکی سفارت خانے نے دعویٰ کیا ہے کہ سعودی عرب پر یمنی افواج کے حملوں سےاس ملک میں مقیم 70 ہزار امریکیوں کی زندگیوں کو خطرہ لاحق ہے۔
العربیہ کی رپورٹ کے مطابق ریاض میں امریکی سفارت خانے نے آج (ہفتہ کو) اپنے ٹوئٹر اکاؤنٹ پر سعودی عرب کے جیزان کے سرحدی علاقوں پر یمنی عوامی کمیٹیوں کے کل رات کے حملے پر ردعمل ظاہر کیا، امریکی سفارتخانے نے اپنے ٹویٹ میں یہ دعوی کرتے ہوئے کہ یمنی فورسز کے حملے جنگ کے جاری رہنے اور یمنی عوام کے مصائب کو طول دینے کا سبب ہیں ، کہا کہ ان حملوں سے سعودی عرب میں مقیم 70 ہزار امریکیوں کو خطرہ لاحق ہے۔

ٹویٹ میں کہا گیا کہ ہم حوثیوں سے مطالبہ کرتے ہیں کہ وہ سعودی عرب پر اپنے حملے بند کریں اور یمن میں تنازع کے خاتمے کے لیے کی جانے والی سفارتی کوششوں میں حصہ لیں، دریں اثنا آج یمنی مسلح افواج کے ترجمان یحیی سریع نے اعلان کیا کہ یمنی میزائل فورس جدید ٹیکنالوجی کے حامل 3 ہائی ٹیک بیلسٹک میزائلوں سے جیزان میں سعودی دشمن کی انتہائی اہم اور حساس تنصیبات کو تباہ کرنے میں کامیاب رہی ہے۔

واضح رہے کہ کل رات یمنی فورسز نے جیزان اور نجران کے سرحدی علاقوں پر دو راکٹ فائر کئےجس کے جواب میں سعودیوں نے یمن کےمغربی شہر المحویت میں ایک ٹیلی کمیونیکیشن کمپنی پر فضائی حملہ کیا جس میں بیلسٹک میزائل اور گولہ بارود کے دو ڈپو تباہ کرنے کا دعویٰ کیا گیا۔