وزراء وزیر خزانہ مفتاح اسماعیل پر برس پڑے۔

?️

اسلام آباد(سچ خبریں) ملک میں تیل اور بجلی مہنگی کرنے کے بیان پر وفاقی کابینہ کے اجلاس میں دیگر وزراء وزیر خزانہ مفتاح اسماعیل پر برس پڑے ۔

 نجی ٹی وی کے مطابق وزیر اعظم شہباز شریف کی زیرصدارت وفاقی کابینہ کا اجلاس ہوا ، جس میں ملکی سیاسی و معاشی صورتحال پر غور کیا گیا ، ذرائع کا حوالہ دیتے ہوئے بتایا گیا ہے کہ اجلاس کے دوران وزیر خزانہ مفتاح اسماعیل کو تیل اور بجلی کی قیمتوں میں مزید اضافے کے بیانات پر اپنے ہی ساتھی وزراء کی جانب سے شدید تنقید کا سامنا کرنا پڑا ، اس موقع پر ریاض پیرزادہ نے کہا کہ پہلے ہی مہنگائی زیادہ ہے، عوام کوس رہے ہیں مزید ظلم نہ کریں ، اس کے علاوہ بعض وزرا کی جانب سے قیمتیں بڑھانے کی بجائے دوسرے شعبوں سے ایڈجسٹمنٹ کی تجویز دی گئی۔

معلوم ہوا ہے کہ کابینہ اجلاس میں وزیر خزانہ مفتاح اسماعیل کا کہنا تھا کہ دوسرے شعبوں کی حالت بھی ابتر ہے ، اگر قیمتیں نہ بڑھائیں تو آئی ایم ایف پیسے نہیں دے گا ، آئی ایم ایف نے واضح کہا ہے سبسڈی ختم نہ کی تو قسط جاری نہیں ہوگی۔ اس موقع پر وزیراعظم شہباز شریف نے کہا کہ میں خود بھی قیمتوں کے بڑھانے کے حق میں نہیں مگر مجبوری ہے ، مجھے پتہ ہے بڑھتی قیمتوں سے میرے دل پر کیا گزر رہی ہے۔

علاوہ ازیں پوسٹ بجٹ سیمنار سے خطاب کے دوران وزیر خزانہ مفتاح اسماعیل نے بتایا کہ وزیر اعظم کو کہا ہمیں سخت فیصلے کرنے پڑیں گے ، پیٹرول کی قیمت بڑھانے پر وزیر اعظم سخت ناخوش ہیں ، میری طرف سے سمری جاتی ہے اور وزراء مجھے کوستے ہیں لیکن اگر ہم نے سخت فیصلے نہ کیے تو تباہی ہوگی ۔ مفتاح اسماعیل نے گیس کی قیمتیں بڑھانے کا اشارہ دیتے ہوئے کہا کہ گیس کے محکمے میں بھی خسارے کا سامنا ہے، گیس کا سرکلر ڈیٹ 1500 ارب روپے کا ہوگیا ہے ، گیس میں ابھی تھوڑی سی گنجائش ہے ، 70 فیصد گھریلو صارفین کو 500 کے قریب بل آتا ہے ، 4 ہزار کی گیس لے کر 500 روپے کی نہیں دے سکتے ، اسی طرح بجلی کے شعبے میں نقصانات کی کئی وجوہات ہیں ، اگر بجلی کا سرکلر ڈیٹ مزید بڑھا تو نظام بیٹھ جائے گا ، کوئلے کی انٹرنیشنل قیمت 20 سال سے 50 ڈالر سے زائد نہیں تھی ، اب کوئلے کی انٹر نیشنل قیمت 300 ڈالر سے زائد ہے ۔

انہوں نے کہا کہ جو بھی وزیر اعظم بنتا ہے اسے دوستوں کے پاس جانا پڑتا ہے، کب تک ہم دوستوں کے پیسوں پر چلیں گے ، پیٹرول پر 19 روپے اور ڈیزل پر 53 روپے کی سبسڈی دے رہے ہیں ، سری لنکا میں بہت سبسڈیز دی گئیں اور وہ دیوالیہ ہوگیا ، آج وہ مہنگا پٹرول اور ڈیزل خرید رہے ہیں اور دوائی وہاں نہیں مل رہی ، ہم نے اگر جولائی تک پٹرول اور ڈیزل پر سبسڈی ختم نہ کی تو ملک دیوالیہ ہو جائے گا ۔

مشہور خبریں۔

برطانیہ کی یمن کے خلاف شرمناک حرکت

?️ 1 فروری 2024سچ خبریں: یمن کے نائب وزیر خارجہ نے یمن کے خلاف انسانی

دنیا کے قدیم ترین فلسطینی قیدی کا آزادی کے بعد پہلا پیغام

?️ 28 فروری 2025 سچ خبریں:دنیا کے قدیم ترین فلسطینی قیدی نائل البرغوثی نے اسرائیلی

غزہ کے خلاف تل ابیب کے منصوبے میں تعاون کے لیے چھ ممالک کے نام

?️ 19 اگست 2025سچ خبریں: وال اسٹریٹ جرنل کی رپورٹ کے مطابق، صہیونی ریجیم نے

وزیر خارجہ نے ٹیلیفون پر امریکی وزیر خارجہ سے تبادلہ خیال کیا

?️ 10 جولائی 2021اسلام آباد(سچ خبریں)تفصیلات کے مطابق وزیر خارجہ شاہ محمود قریشی اور امریکی

بچوں کے ویڈیو گیمز میں اسرائیل کی حمایت میں گرافک اشتہارات، والدین تشویش میں مبتلا

?️ 1 نومبر 2023سچ خبریں: غزہ کی پٹی پر اسرائیلی حملے مسلسل جاری ہیں جس

پیغمبر اسلام کی بے حرمتی کے خلاف مسلسل احتجاج؛ کم از کم دو افراد مارے گئے

?️ 11 جون 2022سچ خبریں:    بھارتی وزیر اعظم نریندر مودی کے حکومتی عہدیداروں کے

اسرائیل سے تعلقات کو معمول پر لانا ضروری تھا!: سوڈانی عبوری حکومتی کونسل کے سربراہ

?️ 4 دسمبر 2021سچ خبریں:سوڈان کی عبوری حکومتی کونسل کے سربراہ نے صیہونی حکومت کے

برطانوی وزیراعظم کی شہری مظاہروں کو محدود کرنے کی کوشش

?️ 17 جنوری 2023سچ خبریں:برطانوی وزیراعظم مختلف مظاہروں میں مظاہرین سے مقابلہ کرنے کے لیے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے