ملک دیوالیہ نہیں ہو رہا، حکومت کرنسی اسمگلنگ روکنے کیلئے اقدامات کرے، چیف جسٹس

?️

اسلام آباد: (سچ خبریں) چیف جسٹس آف پاکستان عمر عطا بندیال نے ریمارکس دیے ہیں کہ ملک دیوالیہ نہیں ہو رہا اور حکومت پر زور دیا کہ ڈالر کی اسمگلنگ کو روکنے کے لیے اقدامات کرے۔

چیف جسٹس عمر عطا بندیال کی سربراہی میں تین رکنی بینچ نے سپر ٹیکس کے نفاذ سے متعلق درخواست پر سماعت کی۔

عدالت نے سپر ٹیکس سے متعلق تمام درخواستوں کو یکجاں کردیا تاکہ ان سب پر مشترکہ سماعت کی جائے۔

سماعت کی ابتدا میں ایف بی آر کے وکیل فیصل صدیقی نے سپریم کورٹ میں دلائل دیے کہ سپر ٹیکس کیس میں لاہور ہائی کورٹ کا حتمی فیصلہ آگیا ہے، لاہور ہائیکورٹ نے حتمی فیصلے پر عملدرآمد 60 دن کے لیے معطل بھی کیا ہے۔

سپریم کورٹ نے سپر ٹیکس کے تمام مقدمات کو یکجا کر کے آئندہ ہفتے مقرر کرنے کا حکم دے دیا۔

ایف بی آر کے وکیل فیصل صدیقی نے دلائل دیے کہ ٹیکس کیسز میں اکثر سپریم کورٹ 50 فیصد کمپنیوں کو جمع کرانے کا کہتی ہے۔

کمپنیوں کی جانب سے وکیل فروغ نسیم نے دلائل دیے کہ لاہور ہائی کورٹ کا حتمی فیصلہ آنے کے بعد عبوری حکم کے خلاف ایف بی آر کی درخواستیں غیر مؤثر ہو چکی ہیں، عدالت درخواستیں غیر مؤثر ہونے کے بعد 50 فیصد سپر ٹیکس کی ادائیگی کا حکم نہیں دے سکتی۔

چیف جسٹس نے ریمارکس دیے کہ کیس آئندہ ہفتے سماعت کے لیے مقرر کیا جاسکتا ہے، مزید کہا کہ ایف بی آر نے ’اچھی نیت‘ سے سپر ٹیکس لگایا ہے۔

انہوں نے ریمارکس دیے کہ معلوم ہے کہ شیل پاکستان پہلے ہی کروڑوں روپے کا ٹیکس ادا کرتا ہے، اس پر ایف بی آر کے وکیل فیصل صدیقی نے کہا کہ ابھی میں ایف بی آر کی وکالت کر رہا ہوں۔

ایف بی آر کے وکیل فیصل صدیقی نے کہا کہ ملک اگر ڈیفالٹ ہوا تو وفاق کی نمائندگی بھی کروں گا اس پر چیف جسٹس نے ریمارکس دیے کہ ’پاکستان دیوالیہ نہیں ہو رہا۔‘

چیف جسٹس نے کہا کہ سب کو ملک کے مفاد کے لیے خود کو بہتر کرنے کی ضرورت ہے، حکومت غیر ملکی کرنسی کی بیرون ملک اسمگلنگ کو روکنے کے لیے اقدامات کرے۔

بعدازاں سپریم کورٹ نے کیس کی سماعت 16 فروری تک ملتوی کردی۔

خیال رہے کہ سپر ٹیکس کے خلاف شیل پاکستان سمیت مختلف کمپنیوں نے لاہور ہائی کورٹ سے رجوع کیا تھا جس کے بعد لاہور ہائی کورٹ نے نجی کمپنیوں کو سپر ٹیکس ادائیگی میں چھوٹ دی تھی۔

کمپنیوں کو سپر ٹیکس میں چھوٹ دینے کا لاہور ہائی کورٹ کا حکم ایف بی آر نے سپریم کورٹ میں چیلنج کر رکھا ہے۔

6 فروری کو ہونے والی سماعت میں سپریم کورٹ نے لاہور ہائی کورٹ کے عبوری حکم نامے میں ترمیم کرتے ہوئے ٹیکس دہندگان کو ہدایت کی کہ وہ اپنے سپر ٹیکس واجبات کا نصف براہ راست ایف بی آر کے پاس ایک ہفتے کے اندر جمع کرائیں۔

واضح رہے کہ گزشتہ برس جون میں وزیراعظم شہباز شریف نے قوم کو بجٹ میں کیے گئے اقدامات پر اعتماد میں لیا تھا اور بڑھتی ہوئی مہنگائی سے نمٹنے کے لیے بڑی صنعتوں بشمول سیمنٹ، اسٹیل، چینی، تیل اور گیس، کھاد، ایل این جی ٹرمینلز، ٹیکسٹائل، بینکنگ، آٹو موبائل، کیمیکلز، مشروبات اور سگریٹ پر 10 فیصد سپر ٹیکس لگانے کا اعلان کیا تھا۔

ایف بی آر نے سپر ٹیکس کے نفاذ سے مالی سال 2023 کے لیے ٹیکس کا تخمینہ 250 ارب روپے رکھا تھا۔

مشہور خبریں۔

لانگ مارچ کے حوالے سے سپریم کورٹ میں سماعت مقرر

?️ 24 مئی 2022اسلام آباد(سچ خبریں)سپریم کورٹ نے لانگ مارچ روکنے کیلئے راستوں کی بندش اور چھاپوں کیخلاف

ایران کا افزودہ یورینیم کسی بھی صورت میں کہیں منتقل نہیں کیا جائے گا: بقائی

?️ 18 اپریل 2026 سچ خبریں:اسماعیل بقائی، ترجمان وزارت خارجہ ایران نے کہا ہے کہ

امریکہ نے پھر اپنا زہر اگلا

?️ 6 نومبر 2023سچ خبریں:نیویارک ٹائمز اخبار کے مطابق امریکی حکام  نے خاص طور پر

16 اکتوبر کو الیکشن نہ ہوتے تو اب تک لانگ مارچ کی کال دے چکا ہوتا۔عمران خان

?️ 14 اکتوبر 2022مری: (سچ خبریں) عمران خان نے ابھی تک لانگ مارچ کی کال نہ دینے کی

 کیا امریکہ کو اسرائیل کے لبنان پر حملوں کا علم تھا ؟

?️ 24 ستمبر 2024سچ خبریں: پینٹاگون نے اعلان کیا کہ اسے لبنان پر حملہ کرنے

رکن اسمبلی کی گرفتاری کے خلاف احتجاجی مظاہروں کو روکنے کے لئے بھارتی فورسز کا طاقت کا وحشیانہ استعمال

?️ 11 ستمبر 2025جموں: (سچ خبریں) غیرقانونی طورپر بھارت کے زیر قبضہ جموں وکشمیرمیں عام

الحدیدہ پر حملہ، اسرائیل کی یمن میں مسلسل ناکامیوں کا اظہار

?️ 23 جولائی 2025سچ خبریں: یمن کے وزارت خارجہ نے ایک بیان جاری کرتے ہوئے صہیونی

غزہ میں شدید سردی اور سیلاب زدہ خیمے؛ ہر موسم سرما میں دہرایا جانے والا انسانی المیہ

?️ 8 نومبر 2026سچ خبریں:غزہ میں موسم سرما کی پہلی بارش چند ہی گھنٹوں میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے