ملکی سلامتی میں پاک افواج کا بہت بڑا  کردار ہے: گورنر پنجاب

?️ 7 اکتوبر 2021

لاہور (سچ خبریں) گورنر پنجاب چوہدری محمد سرور نے ملکی سلامتی میں پاک افواج سے متعلق گفتگو کرتے ہوئے کہا  ہے کہ پاک افواج ملکی سلامتی کی ضامن ہیں، 22 کروڑ عوام ان کے ساتھ کھڑے ہیں، قومی اداروں کو کمزور کرنے کی سازشیں کرنے والے ملک و قوم کے خیر خواہ نہیں۔

گورنر پنجاب نے سعودی عرب میں اوورسیز پاکستانیوں سے ملاقات کی، جس میں انہوں نے کہا کہ حکومت آئین و قانون کی حکمرانی پر یقین رکھتی ہے، اداروں کو مضبوط بنا رہے ہیں۔فوج میں بڑے تبادلے، لیفٹیننٹ جنرل نریم احمد انجم نئے ڈی جی ISI، لیفٹیننٹ جنرل فیض حمید کور کمانڈر پشاور بنادیئے گئے

چوہدری محمد سرور نے کہا کہ پاکستان میں سرمایہ کاری کرنے والوں کی جان و مال کا تحفظ یقینی بنایا جائے گا۔واضح رہے کہ سعودی عرب میں موجود گورنر پنجاب نے عمرے کی سعادت بھی حاصل کی اور پاکستان کی ترقی، خوشحالی اور امن و استحکام کے لیے خصوصی دعا کی۔

دوسری جانب پاک فوج میں اعلیٰ سطح پر تقرریاں و تبادلے کیے گئے ہیں۔ ڈی جی آئی ایس آئی لیفٹیننٹ جنرل فیض حمید کو کور کمانڈر پشاور جبکہ لیفٹیننٹ جنرل ندیم احمد انجم نئے ڈی جی آئی ایس آئی ہونگے۔

آئی ایس پی آر کی جانب سے جاری بیان کے مطابق ڈی جی آئی ایس آئی لیفٹیننٹ جنرل فیض حمید کو کور کمانڈر پشاور تعینات کردیا گیا ہے۔ انکی جگہ لیفٹیننٹ جنرل ندیم احمد انجم کو ڈی جی آئی ایس آئی تعینات کیا گیا ہے۔

لیفٹیننٹ جنرل محمد عامر کو کور کمانڈر گوجرانوالہ جبکہ لیفٹیننٹ جنرل عاصم منیر کوارٹر ماسٹر جنرل مقرر کیا گیا ہے۔ اسکے علاوہ لیفٹیننٹ جنرل محمد سعید کور کمانڈر کراچی اور لیفٹیننٹ جنرل نعمان محمود صدر نیشنل ڈیفنس یونیورسٹی تعینات کئے گئے ہیں۔

میجر جنرل محمد عاصم ملک کو لیفٹیننٹ جنرل کے عہدے پر ترقی دیکر انہیں پاک فوج کا ایڈجوٹنٹ جنرل تعینات کیا گیا ہے۔نئی ذمہ داریاں تفویض کئے جانے کے بعد لیفٹیننٹ جنرل فیض حمید نے وزیراعظم عمران خان سے الوداعی ملاقات کی۔