?️
ہرنائی ( سچ خبریں) صوبہ بلوچستان کے زلزلہ سے متاثرہ علاقوں میں امدادی سرگرمیوں کیلئے پاک فوج کے دستے پہنچ گئے۔ زلزلہ سے متاثرہ علاقوں میں ضروری خوراک اور شیلٹر کا سامان بھی پہنچا دیا گیا ہے شدید زخمی 9 افراد کو آرمی ہیلی کاپٹرز پر کوئٹہ پہنچا دیا گیا۔
تفصیلات کے مطابق بلوچستان کے علاقہ ہرنائی کے زلزلہ متاثرہ علاقوں میں امدادی سرگرمیوں کیلئے پاک فوج کے دستے پہنچ گئے ہیں دستوں کے ہمراہ زلزلے سے متاثرہ علاقوں میں ضروری خوراک اور شیلٹر کا سامان بھی پہنچا دیا گیا۔
پاک فوج کے شعبہ تعلقات عامہ (آئی ایس پی آر) کے مطابق آرمی ڈاکٹرز پیرا میڈیکل سٹاف اپنے ساتھ ضروری ادویات لے کر متاثرہ علاقوں میں پہنچ چکے ہیں ، ضروری طبی سہولیات کے لئے شہری انتظامیہ کی معاونت کی جا رہی ہے اس دوران شدید زخمی 9 افراد کو آرمی ہیلی کاپٹرز پر کوئٹہ پہنچایا گیا ہے۔
راولپنڈی سے اربن سرچ اینڈ ریسکیو ٹیم کو موقع پر بھیجا جا رہا ہے، یہ ٹیم ریسکیو کے کاموں کی رفتار کو تیز بنائے گی جب کہ آئی جی ایف سی بلوچستان نارتھ بھی ہرنائی پہنچ چکے ہیں جہاں وہ نقصانات اور ریسپانس کا خود جائزہ لے رہے ہیں۔
ادھرزلزلے سے متاثرہ علاقوں میں آفٹر شاکس کا سلسلہ جاری ہے ، جس سے متاثرین میں خوف و ہراس پھیل گیا ہے، آفٹر شاکس کے باعث بوسیدہ مکانات کے گرنے کا خطرہ ہے جب کہ ہرنائی میں زلزلے کے باعث آج تمام تعلیمی ادارے بند رہیں گے ، سول ہسپتال کوئٹہ میں طبی ایمرجنسی نافذ کر دی گئی ہے ، ہسپتال میں ڈاکٹرز اور عملہ ہنگامی بنیادوں پر طلب کر لیا گیا۔
واضح رہے کہ صوبہ بلوچستان کے علاقوں کوئٹہ ، سبی اور ہرنائی سمیت دیگر مقامات پر رات گئے شدید زلزلے کے باعث 20 افراد جاں بحق اور 300 سے زائد زخمی ہوگئے ، ہرنائی اور شاہرگ میں 70 سے زائد مکانات کو بھی نقصان پہنچا ، زلزلے کی شدت 5 اعشاریہ 9 اور گہرائی 15 کلومیٹر زیرِ زمین تھی اور اس کا مرکز ہرنائی کے قریب تھا۔


مشہور خبریں۔
جیت گیا تو ترکی اور شام کے سفارت خانے دوبارہ کھول دیے جائیں گے: اردوغان کے حریف
?️ 30 اپریل 2023سچ خبریں:رجب طیب اردوغان کے مرکزی مخالف، کمال کلیدارو اوغلو نے ایک
اپریل
عوام سیکیورٹی فورسز کے ساتھ تعاون کرکے زائرین کی حفاظت کریں: مقتدیٰ صدر
?️ 4 ستمبر 2022سچ خبریں: عراق کی صدر تحریک کے سربراہ سید مقتدی صدر نے
ستمبر
آڈیو لیکس سامنے آنے کا سلسلہ جاری، پی ٹی آئی کا ایک بار پھر تحقیقات کا مطالبہ
?️ 24 اپریل 2023اسلام آباد:(سچ خبریں) پاکستان میں معروف شخصیات کی مبینہ طور پر نجی
اپریل
اقوام متحدہ کی سلامتی کونسل کی آبنائے ہرمز سے متعلق نشست ملتوی
?️ 3 اپریل 2026سچ خبریں: اقوام متحدہ کی سلامتی کونسل کی آبنائے ہرمز کے بارے
اپریل
عمران خان کی مولانا سے ملاقات کی خواہش بطور گپ شپ ہم تک پہنچی تھی، کامران مرتضیٰ
?️ 10 نومبر 2024اسلام آباد: (سچ خبریں) جے یو آئی پاکستان کے سینئر رہنما سینیٹر
نومبر
صیہونی حکومت کے ساتھ تعلقات کو معمول پر لانے کے لیے بن سلمان کی تین شرائط
?️ 23 ستمبر 2023سچ خبریں:ہ2017 تک عرب ممالک اور صیہونی حکومت کے درمیان کھلے عام
ستمبر
خیبرپختونخوا: مختلف اضلاع میں بارش کے باعث حادثات، 7 افراد جاں بحق
?️ 30 مارچ 2024پشاور: (سچ خبریں) خیبرپختونخوا میں موسلادھار بارشوں کے سبب مختلف اضلاع میں
مارچ
توہین عدالت کا مرتکب قرار دیاگیا، اب کمیٹی اجلاس میں نہیں جاؤں گا، جسٹس جمال مندوخیل
?️ 27 جنوری 2025اسلام آباد: (سچ خبریں) سپریم کورٹ نے ایڈیشنل رجسٹرار جوڈیشل نذر عباس
جنوری