?️
اسلام آباد (سچ خبریں) تفصیلات کے مطابق الیکشن کمیشن نے خیبرپختونخواہ میں سابق سینیٹر محمد ایوب کی خالی نشست کے لیے انتخابی شیڈول جاری کردیا ہے۔ سینیٹ کی اس خالی نشست پرانتخاب 20 دسمبرکو ہوگا۔ جس میں مشیر خزانہ شوکت ترین کے بلامقابلہ سینیٹر منتخب ہونے کا امکان ہے۔
الیکشن کمیشن کے مطابق سینیٹ کی خالی نشست کے لیے اُمیدوار کاغذات نامزدگی 30 نومبرسے 2 دسمبرتک جمع کروا سکیں گے جس کے بعد کاغذات نامزدگی کی جانچ پڑتال 6 دسمبرکو ہوگی ۔ الیکشن کمیشن کے مطابق سینیٹ کی خالی نشست پرانتخاب 20 دسمبرکوہوگا ۔ پولنگ خیبرپختونخوا اسمبلی پشاوربلڈنگ میں ہوگی ۔یاد رہے کہ سینیٹ کی نشست محمد ایوب آفریدی کے استعفی کے بعد خالی ہوئی تھی۔
یاد رہے کہ گذشتہ ہفتے سینیٹر ایوب آفریدی کا استعفیٰ منظور کرلیا گیا تھا۔ 23 نومبر کو چیئرمین سینیٹ صادق سنجرانی نے ایوب آفریدی کا استعفیٰ منظور کرلیا۔ ذرائع نے بتایا کہ سینیٹر ایوب آفریدی کو مشیر اورسیز لگا دیا گیا۔ سینیٹر ایوب آفریدی نے کہا کہ میں نے وزیراعظم عمران خان کو استعفیٰ پیش کیا تاہم مشترکہ اجلاس کے باعث انتظار کا کہا گیا، میری سینیٹ کی نشست وزیراعظم کی امانت تھی، جسے میں نے خوشی سے واپس کیا۔
انہوں نے کہا کہ یہ وزیراعظم کے صوابدید ہے جس کو چاہیں وہ ذمہ داری دیں، ایوب آفریدی کا مزید کہنا تھا کہ اگر وزیراعظم کوئی ذمہ داری بھی نہیں دیں گے تو بھی مجھے کوئی اعتراض نہیں ہو گا لیکن اگر وزیراعظم عمران خان نے مجھے پھر سے موقع دیا تو میں قوم و ملک کی خدمت کروں گا۔ یاد رہے کہ وزیراعظم عمران خان نے وفاقی وزیر خزانہ شوکت ترین کو سینیٹر بنانے کا فیصلہ کیا تھا۔
یہاں یہ بات قابل ذکر ہے کہ کسی بھی غیر منتخب شخص کے لیے وفاقی وزیر رہنے کے لیے چھ ماہ میں رکن پارلیمنٹ بننا لازمی ہے۔ شوکت ترین کی آئینی مدت رواں ماہ اکتوبر کے دوسرے ہفتے میں ختم ہوئی۔ شوکت ترین بطور وزیر کام جاری رکھیں اس کے لیے ان کو سینیٹر منتخب کروانا ایک قانونی تقاضا ہے۔ ذرائع نے بتایا کہ شوکت ترین کو خیبرپختونخواہ سے سینیٹ کی نشست پر منتخب کروایا جائے گا۔
مشہور خبریں۔
پی ٹی آئی کی پنجاب کے انتخاب ملتوی کرنے کے فیصلے کے خلاف سپریم کورٹ میں درخواست دائر
?️ 25 مارچ 2023اسلام آباد:(سچ خبریں) پاکستان تحریک انصاف (پی ٹی آئی) نے الیکشن کمیشن
مارچ
صیہونیوں کی حرمش آپریشن کے آپریٹر کی شناخت میں ناکامی
?️ 31 مئی 2023سچ خبریں:طولکرم کے شمال میں واقع حرمش کے علاقے میں ہونے والے
مئی
اتفاق رکھیے، سلوک رکھیے اور جیل والوں کیلئے کوئی اقدام اٹھائیں، شاہ محمود قریشی کی پارٹی قیادت سے استدعا
?️ 8 اپریل 2025لاہور: (سچ خبریں) پاکستان تحریک انصاف کے رہنماء شاہ محمود قریشی نے
اپریل
موسمیاتی تبدیلی کے شعبہ میں متحدہ عرب امارات کا پاکستان کے ساتھ معاہدہ
?️ 9 نومبر 2021گلاسکو (سچ خبریں) موسمیاتی تبدیلی کے شعبے میں دنیا بھر پاکستان کی
نومبر
تل ابیب اور حماس کے درمیان قیدیوں کے تبادلے کی تفصیلات
?️ 18 اگست 2024سچ خبریں: صیہونی حکومت کے چینل 12 نے اپنی ایک رپورٹ میں تاکید
اگست
صیہونیوں کے ساتھ تعلقات معمول پر لانے سے انکار ان کے لیےسب سے زیادہ تکلیف دہ ہتھیار
?️ 4 اگست 2021سچ خبریں:ایک عرب اخبار نے اپنے ایک تجزیہ میں عرب کھلاڑیوں کے
اگست
قابلِ اعتراض مواد شائع کرنے پر 12 لاکھ 50 ہزار یو آر ایلز کو بلاک کیا، پی ٹی اے
?️ 17 اپریل 2024اسلام آباد: (سچ خبریں) پاکستان ٹیلی کمیونکیشن اتھارٹی (پی ٹی اے) نے
اپریل
یومِ قدس اسلامی شعور کی بیداری اور استعماری سازشوں کے خلاف وحدت کا عالمی دن
?️ 27 مارچ 2025 سچ خبریں:عراقی مزاحمتی تحریک النُجَباء کی سیاسی کونسل کے رکن ڈاکٹر
مارچ