صیہونی فوجی حکام کی ایران کے خلاف جنگی دھمکیاں

سچ خبریں:صیہونی فوج کے چیف آف اسٹاف اور وزیر جنگ نے ایران کے خلاف مزید فوجی اقدامات کی دھمکی دیتے ہوئے کہا ہے کہ اگر ایران کے خلاف کارروائی نہ کی گئی تو اسرائیل کو بھاری قیمت چکانی پڑے گی،فوجی حکام نے ایران کے خلاف برتری برقرار رکھنے اور مزید آپریشن کی تیاریوں پر زور دیا ہے۔

الجزیرہ نیوز چینل کی رپورٹ کے مطابق، اسرائیلی فوج کے چیف آف اسٹاف ایال زمیر نے ایران کے حوالے سے دعویٰ کیا ہے کہ اگر اسرائیل نے ایران کے خلاف بروقت کارروائی نہ کی تو مستقبل میں اس کی بھاری قیمت ادا کرنا پڑے گی۔

یہ بھی پڑھیں:اسرائیل کے خلاف ایرانی حملے کے بارے میں سابق صیہونی وزیر جنگ کا تازہ ترین انکشاف

ایال زمیر نے کہا کہ ایران کے خلاف حالیہ آپریشن مکمل ہو گیا ہے، لیکن جنگ اب بھی جاری ہے، انہوں نے مزید کہا کہ اسرائیلی فوج غزہ میں قیدیوں کی واپسی کے لیے اپنی ذمہ داری پوری کرنے کے لیے پرعزم ہے۔

دوسری جانب، اسرائیلی وزیر جنگ یسرائیل کاتز نے کہا ہے کہ اسرائیلی فوج ایسا عملیاتی منصوبہ تیار کرے گی جس سے یہ یقینی بنایا جا سکے کہ ایران دوبارہ اسرائیل کے لیے خطرہ نہ بن سکے۔

 انہوں نے کہا کہ فوج کو انٹیلیجنس اور آپریشنل سطح پر اس طرح تیار رہنا چاہیے کہ اسرائیلی فضائیہ تہران پر اپنی فضائی برتری برقرار رکھ سکے۔

مزید پڑھیں:اسرائیل پر فتح ایران کے ہاتھوں ہوگی: عمان کے مفتی اعظم

یسرائیل کاتز نے کہا کہ فوج کو تمام انٹیلیجنس ذرائع استعمال کر کے یہ یقینی بنانا ہو گا کہ اسرائیلی فضائیہ کی برتری برقرار رہے۔