قسط کی وصولی کےلئے پاکستان اور آئی ایم ایف کے درمیان مذاکرات جاری

?️ 5 اکتوبر 2021

اسلام آباد(سچ خبریں)اسلام آباد میں ایک ارب ڈالر قرض کی قسط کے حصول کیلئے پاکستان کے آئی ایم ایف کے ساتھ مذاکرات جاری ہیں اور یہ مذاکرات رواں ہفتے تک جاری رہنے کا امکان ہے آئی ایم ایف حکام توانائی شعبے کے گردشی قرضہ کا بھی جائزہ لیں گے۔

تفصیلات کے مطابق ایک ارب ڈالرقرض کی قسط کیلئے پاکستان اورآئی ایم ایف کے درمیان مذاکرات جاری ہے ، ذرائع وزارت خزانہ کا کہنا ہے کہ آئی ایم ایف حکام کیساتھ چھٹے ،7ویں دورکے مذاکرات کا آغاز ہوا ہے، سیکریٹری خزانہ، چیئرمین ایف بی آرمذاکرات میں شریک ہیں۔

ذرائع نے بتایا ہے کہ آئی ایم ایف حکام رواں مالی سال کے دوران معاشی اہداف کاجائزہ لیں گے اور بجٹ میں رکھےگئےٹیکس اہداف،معاشی گرؤتھ کاجائزہ لیا جائے گا۔ذرائع کے مطابق چیئرمین ایف بی آر ،آئی ایم ایف حکام کومحصولات کے اہداف اور سیکریٹری خزانہ آئی ایم ایف حکام کو معاشی صورتحال پر بریفنگ دیں گے۔

واضح رہے کہ آئی ایم ایف حکام کیساتھ مذاکرات رواں ہفتے تک جاری رہیں گے، آئی ایم ایف حکام توانائی شعبے کے گردشی قرضہ کا بھی جائزہ لیں گے۔ خیال رہے پاکستان اور آئی ایم ایف کے درمیان 6ارب ڈالر قرض کا معاہدہ تعطل کا شکار تھا۔