پنڈوراپیپرز میں شامل شخصیات اور کمپنیوں کا معاملہ زیر بحث

?️ 5 اکتوبر 2021

اسلام آباد (سچ خبریں) پنڈوراپیپرز میں شامل افراد کیخلاف ممکنہ کارروائی پرتبادلہ خیال کے لئے وززیراعظم عمران خان کی زیر صدارت وفاقی کابینہ کا اجلاس آج ہوگا اور چیئرمین نیب تقرری سےمتعلق بھی کابینہ ارکان سے مشاورت کی جائے گی اس کے علاوہ کچھ دیگرایجنڈے بھی شامل ہیں۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس شروع ہوگیا ، اجلاس میں ملکی سیاسی و معاشی صورتحال کا جائزہ لیا جائے گا جبکہ پنڈوراپیپرز میں شامل شخصیات اور کمپنیوں کامعاملہ زیربحث بھی آئے گا۔اجلاس میں کابینہ پیپرزمیں شامل افراد کیخلاف ممکنہ کارروائی پر بھی تبادلہ خیال ہوگا اور چیئرمین نیب تقرری سےمتعلق بھی کابینہ ارکان سے مشاورت کی جائے گی۔

کابینہ اجلاس میں 7نکاتی معمول کے ایجنڈے پر بھی غور ہوگا ، جس میں وزارت داخلہ کی سمری پرعیدمیلادالنبیﷺپرقیدیوں کی سزا میں کمی کی منظوری اور چھوٹے جرائم میں ملوث قیدیوں کی سزا میں 90 روز کمی تجویز شامل ہیں تاہم سزا میں کمی کا اطلاق کرپشن، قتل اور ریپ کے ملزمان پر نہیں ہو گا۔

کابینہ اقتصادی رابطہ کمیٹی ، کابینہ کمیٹی توانائی کےفیصلوں اور کابینہ کمیٹی قانون سازی کے فیصلوں کی توثیق بھی ایجنڈے میں شامل ہیں۔ادویات کے ٹی وی،ریڈیو،اخبارات میں اشتہارات کی منظوری اور ڈرگز ریسرچ کےلئے کمیٹی کی نامزدگی بھی ایجنڈے کا حصہ ہیں۔