حماس اور صہیونی حکومت کے درمیان قیدیوں کے تبادلے کے عمل کو مکمل کرنے کے لیے معاہدہ

?️ 26 فروری 2025

سچ خبریں:ایک مصری ذریعے نے بتایا ہے کہ حماس اور صہیونی حکومت کے ساتھ قیدیوں کے تبادلے کے عمل کو مکمل کرنے کے لیے ایک معاہدہ طے پایا ہے۔

المسیرہ نیوز چینل کی رپورٹ کے مطابق، ایک باخبر مصری ذریعے نے روئٹرز سے بات کرتے ہوئے کہا کہ ثالثین نے اس بات پر اتفاق کیا ہے کہ اس ہفتے کے دوران تمام فلسطینی قیدیوں کی آزادی کے لیے معاہدہ کیا جائے گا۔

یہ بھی پڑھیں: قیدیوں کے تبادلے میں حماس کیسے صیہونیوں کو ذلیل کرتی ہے؟ امریکی اخبار کی زبانی

ذرائع نے مزید کہا کہ فلسطینی قیدیوں کی رہائی کا عمل مصر کی نگرانی میں جاری ہے اور اس کے ساتھ ہی چار صہیونی قیدیوں کی لاشیں بھی وصول کی جائیں گی۔

 مزید پڑھیں:اسرائیلی قیدیوں کے تبادلے کو ملتوی کرنے کی وجہ کیا ہے؟

یہ بات بھی قابل ذکر ہے کہ اسرائیلی حکومت نے حالیہ جنگ بندی معاہدے کے باوجود اپنے 6 قیدیوں کی آزادی کے بعد 620 فلسطینی قیدیوں کی رہائی سے انکار کیا، جس سے جنگ بندی کے معاہدے کے ٹوٹنے کا خطرہ بڑھ گیا،دوسری طرف، حماس نے اب تک اپنے تمام وعدوں کی تکمیل کی ہے جبکہ قابض صیہونی حکومت نے اس سے پہلے بھی کئی بار معاہدے کی خلاف ورزی کی ہے۔