بھارتی اداکار، اکشے کمار  بھی عمر شریف سے متاثر

?️ 5 اکتوبر 2021

ممبئی (سچ خبریں )بھارتی اداکار اکشے کمار بھی پاکستانی کامیڈین عمر شریف سے کافی متاثر تھے اور انہیں اپنا استاد مانتے  ہیں انہوں نے انکشاف کیا کہ عمر شریف ہمارے عہد کے بہترین کامیڈین میں سے ہیں20 سال قبل  شوبز کی دنیا میں قدم رکھنے سے پہلے اور اب بھی میں عمر شریف کے تمام شوز دیکھتا ہوں۔

2013 میں دیے گئے ایک انٹرویو میں اکشے کمار نے انکشاف کیا تھا کہ انہوں نے عمر شریف کا ہر پروگرام دیکھ رکھا ہے ، چاہے اسٹیج کامیڈی ہو یا کوئی ٹیلی ویژن شو۔54 سالہ اداکار نے انکشاف کیا کہ 20 سال قبل  شوبز کی دنیا میں قدم رکھنے سے پہلے اور اب بھی میں عمر شریف کے تمام شوز دیکھتا ہوں، بلاشبہ عمر شریف ہمارے عہد کے بہترین کامیڈین میں سے ہیں۔

اس سے قبل بھارتی اداکار علی گونی بھی پاکستانی کامیڈین عمر شریف کے انتقال پر رنجیدہ ہوگئے۔علی گونی نے اپنے ٹوئٹر اکاؤنٹ پر عمر شریف کو خراج عقیدت پیش کرتا ایک ٹوئٹ شیئر کیا۔انہوں نے اپنے ٹوئٹ میں کہا کہ عمر شریف کو اللّٰہ تعالیٰ جنت الفردوس میں جگہ دے۔بھارتی اداکار نے اپنے ٹوئٹ میں ہیش ٹیگ ’لیجنڈ‘ کا بھی استعمال کیا۔

واضح رہے کہ گزشتہ دنوں جرمنی میں انتقال کر جانے والے عمر شریف کی میت بدھ کی صبح کراچی پہنچا دی جائے گی، عمرشریف کی نماز جنازہ بدھ کو 3 بجے ادا کی جائے گی۔عمر شریف کی نماز جنازہ پارک کلفٹن میں بشیر فاروقی پڑھائیں گے جبکہ تدفین عبداللّٰہ شاہ غازی کے مزار کے احاطے میں ہوگی۔