عوام نے انتشار، فتنہ اور فساد کی کال کو مکمل مسترد کردیا۔ مریم اورنگزیب

?️ 8 فروری 2026

لاہور (سچ خبریں) سینئر صوبائی وزیر مریم اورنگزیب کا کہنا ہے کہ عوام نے انتشار، فتنہ اور فساد کی کال کو مکمل مسترد کر دیا ہے، پاکستان کے نوجوانوں کے پاس اب انتشار اور فساد کا بالکل وقت نہیں ہے۔

میڈیا سے گفتگو کرتے ہوئے انہوں نے کہا کہ پاکستان پوری دنیا میں اپنی تقافت اور روایات کی وجہ سے پہچانا جاتا ہے۔ آج پاکستان کے نوجوان اپنی ثقافت منانے میں وقت گزار رہے ہیں۔ مریم نواز نے نوجوانوں کو انتشار کی بجائے لیپ ٹاپس اور اسکالرشپس دیئے ہیں، مریم نواز نے فیصلہ کیا کہ ہم نے نوجوانوں کو انکی ثقافت دینی ہے اور انکے ذہنوں کو کھولنا ہے۔

مریم اورنگزیب کا مزید کہنا تھا کہ پی ٹی آئی نے اس ملک اور خیبرپختونخوا کے عوام کو انتشار اور نفرت کے سوا کچھ نہیں دیا، پنجاب سمیت پورا پاکستان اس وقت ترقی اور خوشحالی کی طرف گامزن ہے۔

انہوں نے کہا کہ 25 سال بعد بسنت واپس آئی ہے تو عوام نے انتشار کی کال کو مسترد ہی کرنا تھا، پوری قوم نے بتایا کہ انہیں نفرت اور انتشار نہیں بلکہ اپنی ثقافت اور محبت چاہیے۔