?️
اسلام آباد:(سچ خبریں) اٹک جیل میں قید پی ٹی آئی کے چیئرمین عمران خان کے ساتھ ملاقات کرنے کے بعد ان کے وکیل نے دعویٰ کیا ہے کہ سابق وزیر اعظم نے اپنی رہائی کے لیے کسی بھی ڈیل کو مسترد کرتے ہوئے کہا ہے کہ وہ کبھی بھی پاکستان نہیں چھوڑیں گے۔
ہفتے کے روز ملاقات کے بعد جیل کے باہر صحافیوں سے بات کرتے ہوئے ایڈووکیٹ شعیب شاہین نے کہا کہ عمران خان نے کسی بھی ڈیل کو مسترد کر دیا ہے اور بیرون ملک رہائش اختیار کرنے کے تاثر کو ان کی مقبولیت کو نقصان پہنچانے کے لیے کیا گیا بے بنیاد پروپیگنڈا قرار دیا ہے۔
شعیب شاہین کے مطابق عمران خان نے کہا کہ ان کے بیرون ملک اثاثے ہیں اور نہ ہی بینک اکاؤنٹس ہیں۔
پی ٹی آئی کے چیئرمین نے جلد از جلد، منصفانہ اور شفاف انتخابات کو ان تمام سیاسی، معاشی اور مالیاتی بحرانوں کا حل قرار دیا جنہوں نے پی ڈی ایم کے 16 ماہ کے دور حکومت کے دوران ملک کو اپنی لپیٹ میں لے لیا۔
شعیب شاہین کے مطابق قوم کے نام اپنے پیغام میں عمران خان نے عوام پر زور دیا کہ وہ اپنے حقوق کے لیے کھڑے ہوں، انہوں نے کہا کہ وہ اسٹیبلشمنٹ کے ہتھکنڈوں کے سامنے کبھی نہیں جھکیں گے اور 100 سال تک جیل کی سلاخوں کے پیچھے رہنے کے لیے تیار ہیں۔ پی ٹی آئی کے سربراہ خراب معاشی صورتحال پر پاکستانی عوام کے لیے پریشان تھے۔
عمران خان کے وکیل نے یہ بھی کہا کہ سابق وزیر اعظم کے خلاف تمام 180 مقدمات سیاسی انجینئرڈ ہیں جن میں سے زیادہ تر مقدمات میں انہیں ضمانت مل چکی ہے۔
شعیب شاہین نے کہا کہ قانونی ٹیم بقیہ مقدمات میں بھی جلد ضمانت کے لیے درخواست دائر کرے گی، عمران خان کے ساتھ ہونے والی ملاقات کے دوران ان کے معالج ڈاکٹر فیصل سلطان اور ان کی قانونی ٹیم کے دیگر ارکان بھی موجود تھے جن میں سلمان صفدر، علی اعجاز بٹر، شیراز احمد رانجھا، بیرسٹر گوہر علی خان، نعیم حیدر پنجوتھا اور انتظار حسین پنجوتھا بھی شامل تھے۔
صحافیوں سے گفتگو کرتے ہوئے نعیم حیدر پنچوتھا نے کہا کہ پی ٹی آئی چیئرمین مکمل طور پر ٹھیک اور صحت مند ہیں۔
نعیم حیدر پنچوتھا کے مطابق پی ٹی آئی کے سربراہ کی قانونی ٹیم نے سابق وزیراعظم کے خلاف سائفر کیس کی اٹک جیل منتقلی کو بھی مسترد کر دیا ہے۔
عمران خان اور ان کے وکلا کے درمیان ملاقات ایسے وقت میں ہوئی ہے جب پی ٹی آئی کے سربراہ اور دیگر ملزمان کے خلاف آفیشل سیکرٹ ایکٹ 1923 کے تحت درج مقدمہ چلانے کے لیے بنائی گئی خصوصی عدالت نے جمعے کے روز ملاقات کی اجازت دی تھی۔ عمران خان کو اپنے معالج ڈاکٹر فیصل سلطان سے بھی ملاقات کی اجازت دی گئی تھی۔
اس کے علاوہ خصوصی عدالت کے جج ابوالحسنات ذوالقرنین نے عمران خان اور سابق وزیر خارجہ شاہ محمود قریشی کی بعد از گرفتاری ضمانت کی درخواستوں کی سماعت ملتوی کر دی۔
آفیشل سیکرٹ ایکٹ کے تحت تشکیل دی گئی خصوصی عدالت کے قیام کا معاملہ اسلام آباد ہائی کورٹ میں زیر سماعت ہونے کی وجہ سے ہفتے کی کارروائی بغیر کسی پیش رفت کے ملتوی کردی گئی۔
چیئرمین پی ٹی آئی نے وزارت قانون و انصاف کی جانب سے جج ابو الحسنات ذوالقرنین کو خصوصی عدالت میں تعینات کرنے کے نوٹی فکیشن کو چیلنج کیا ہے۔
عمران خان کے وکیل نے جج کو مطلع کیا کہ اسلام آباد ہائی کورٹ نے کیس میں متعلقہ حکام کو نوٹس جاری کر دیا ہے جب کہ عمران خان کے مقدمے کی سماعت اٹک منتقل کرنے کے فیصلے کے خلاف بھی ایک علیحدہ درخواست دائر کی گئی ہے۔
ایف آئی اے کے پراسیکیوٹر نے استدلال کیا کہ سابق وزیر اعظم نے خصوصی عدالت کے دائرہ اختیار کو چیلنج کرتے ہوئے اسلام آباد ہائی کورٹ میں درخواست دائر کی ہے اورکیونکہ کیس زیر سماعت ہے، عدالت کو سماعت ملتوی کرنی چاہیے۔
خصوصی عدالت کے جج نے اس تجویز سے اتفاق کرتے ہوئے کیس کی سماعت پیر تک ملتوی کر دی۔
مشہور خبریں۔
وعدہ ہے وزیراعظم بن گیا تو کسی سے سیاسی انتقام نہیں لوں گا، بلاول بھٹو
?️ 23 جنوری 2024چینوٹ: (سچ خبریں) پاکستان پیپلزپارٹی کے چیئرمین اور سابق وزیر خارجہ بلاول
جنوری
انگریزی زبان سوشل میڈیا صارفین کی نظر میں شہید حسن نصراللہ
?️ 26 فروری 2025سچ خبریں:ایکس (سابقہ ٹویٹر) کے انگریزی بولنے والے صارفین نے سید شہدائے
فروری
مسجد الاقصی پر حملے صیہونی حکومت کو نیست و نابود کر دیں گے:حماس
?️ 6 مئی 2022سچ خبریں:فلسطین کی اسلامی مزاحمتی تحریک حماس نے صیہونیوں کو انتباہ دیتے
مئی
یمن میں سی آئی اے اور موساد کی جاسوسی کارروائیاں ناکام
?️ 25 دسمبر 2024سچ خبریں:یمن کے ایکسکیورٹی ذریعے نے انکشاف کیا ہے کہ امریکی اور
دسمبر
روس کا بین الاقوامی حقوق کا دفاع ماسکو پر مغربی دباؤ کی وجہ ہے : بشار الاسد
?️ 21 جنوری 2022سچ خبریں: شام کے صدر بشار الاسد نے جمعرات کی شام روسی
جنوری
حکمراں جماعت پر ترک عوام کا بڑھتا ہوا عدم اعتماد
?️ 8 مئی 2024سچ خبریں: اپریل کے آخری مہینے میں ترکی کے بلدیاتی انتخابات کے بعد
مئی
پاکستانی وزیر خارجہ کی نیٹو کے سکریٹری جنرل سے ملاقات ؛ افغانستان کی صورتحال پر تبادلہ خیال
?️ 8 دسمبر 2021سچ خبریں:پاکستانی وزیر خارجہ نے نارتھ برسلز کے اپنے دورے کے دوران
دسمبر
صیہونی فوج کے خلاف حزب اللہ کا حالیہ ڈرون حملہ کیسا تھا؟صیہونی اخبار کا اعتراف
?️ 15 اکتوبر 2024سچ خبریں: صہیونی اخبار نے حزب اللہ کے ڈرون حملے کے بعد
اکتوبر