?️
اسلام آباد: (سچ خبریں) وفاقی حکومت نے 23 نومبر کو ہونے والے ضمنی انتخابات کے لیے پاک فوج اور سول آرمڈ فورسز کی تعیناتی کی منظوری دے دی۔
ضمنی انتخابات اتوار کے روز ان حلقوں میں ہوں گے: این اے 18 (ہری پور)، این اے 96 (فیصل آباد-II)، این اے 104 (فیصل آباد-X)، این اے 143 (ساہیوال-III)، این اے 185 (ڈیرہ غازی خان-II)، این اے 129 (لاہور-XIII)، پی پی 73 (سرگودھا-III)، پی پی 98 (فیصل آباد-I)، پی پی 115 (فیصل آباد-XVIII)، پی پی 116 (فیصل آباد-XIX)، پی پی 203 (ساہیوال-VI)، پی پی 269 (مظفرگڑھ-II) اور پی پی 87 (میانوالی-III)۔
الیکشن کمیشن آف پاکستان (ای سی پی) نے جمعرات کو وفاقی سیکریٹری دفاع اور داخلہ کو خط لکھے تھے، جن میں پرامن پولنگ کے انعقاد کے لیے سول آرمڈ فورسز/فوج کی تعیناتی اور انتخابی عملے، ووٹرز اور عوام کی حفاظت کے لیے دیگر انتظامات کرنے کی درخواست کی گئی تھی۔
آج وزارت داخلہ سے جاری ہونے والے ایک حکم نامے، جو ڈان نیوز کے پاس دستیاب ہے، میں کہا گیا کہ حکومت نے آئین کے آرٹیکلز 220 اور 245 کے تحت سول آرمڈ فورسز کو بطور سیکنڈ ٹئیر ریسپانڈر اسٹینڈ بائی حالت میں کیو آر ایف (فوری ردعمل فورس) موڈ میں اور پاک فوج کو تھرڈ ٹئیر ریسپانڈر کی حیثیت سے کیو آر ایف موڈ میں تعینات کرنے کی اجازت دی ہے۔
مزید کہا گیا کہ ان فورسز کو انسدادِ دہشت گردی ایکٹ 1997 کی دفعات 4 اور 5 کے تحت اختیارات ہفتہ سے پیر تک حاصل ہوں گے۔
حکم میں کہا گیا کہ فورسز کی درست تعداد متعلقہ ہوم ڈپارٹمنٹس اور ای سی پی زمینی حالات کے مطابق اسٹیک ہولڈرز سے مشاورت کے بعد طے کریں گے۔
ڈسٹرکٹ مانیٹرنگ آفیسر نے رانا ثناءاللہ اور داماد پر جرمانہ عائد کردیا
علاوہ ازیں، فیصل آباد کے ڈسٹرکٹ مانیٹرنگ آفیسر محمد مرتضیٰ ملک نے وزیر اعظم کے مشیر برائے سیاسی امور رانا ثناءاللہ اور ان کے داماد رانا احمد شہریار (امیدوار پی ایس-116) پر ضابطہ اخلاق کی خلاف ورزی پر جرمانہ عائد کیا۔
ڈی ایم او کے حکم میں کہا گیا کہ آج رانا ثناءاللہ کو ضابطہ اخلاق کی خلاف ورزی پر نوٹس جاری کیا گیا، مگر انہوں نے اس پر عمل نہ کیا اور شہریار کی انتخابی مہم میں نواز شریف پارک میں عوامی جلسے سے خطاب کرکے حصہ لیا، جسے الیکٹرانک اور سوشل میڈیا پر نشر بھی کیا گیا۔
ڈی ایم او نے ان پر 50 ہزار روپے جرمانہ عائد کیا، اور کہا کہ ادائیگی نہ ہونے پر معاملہ ای سی پی کو بھیجا جائے گا۔
اسی طرح شہریار پر بھی اتنا ہی جرمانہ اس لیے عائد کیا گیا کہ وہ رانا ثناءاللہ کی انتخابی مہم میں شرکت پر جواب دینے میں ناکام رہے۔


مشہور خبریں۔
امریکہ کا 11 یمنی قیدیوں کو گوانتانامو سے عمان منتقل کرنے کا اعلان
?️ 7 جنوری 2025سچ خبریں:امریکی وزارت دفاع نے اعلان کیا ہے کہ بدنام زمانہ گوانتانامو
جنوری
آصف علی زرداری نے خیبرپختونخوا میں گورنر راج کے امکان کو مسترد کردیا
?️ 17 مئی 2024اسلام آباد: (سچ خبریں) صدر آصف علی زرداری نے گورنر خیبرپختونخوا فیصل
مئی
پاکستان کے ساتھ نیٹو کا اشتراک آنے والے دنوں میں بھی جاری رہے گا، سفیر
?️ 17 جولائی 2023اسلام آباد:(سچ خبریں) پاکستان کے ساتھ نارتھ اٹلانٹک ٹریٹی آرگنائزیشن (نیٹو) کی
جولائی
ایران کا امریکہ کو دوٹوک جواب
?️ 13 فروری 2022سچ خبریں:ٹرمپ کے ایرنی ایٹمی معاہدے سے یکطرفہ طور پر نکل جانے
فروری
ہیبرون کے جنوب میں صیہونی فوج کا حملہ
?️ 5 جولائی 2022سچ خبریں: ہیبرون کے جنوب میں واقع قصبے دورامیں صیہونی فوج کے
جولائی
نمرہ مہرا کی شہرت کا سبب بننے والے گانے ’ماہیاوے: ہوا ورگا‘ کا لکھاری کون ہے؟
?️ 2 مئی 2024لاہور: (سچ خبریں) ابھرتی ہوئی پنجابی فوک گلوکارہ نمرہ مہرا نے انکشاف
مئی
عمان، مصر، امارات اور فرانس کا سفارت کاری کے ذریعے کشیدگی کو روکنے پر زور
?️ 19 اکتوبر 2026سچ خبریں: عمانی وزیر خارجہ بدر البوسعیدی نے مصر، امارات اور فرانس
اکتوبر
پاکستانی فوج کے ترجمان: اسلام آباد ایران کی پرامن سفارت کاری
?️ 17 مئی 2025سچ خبریں: خطے میں امن و استحکام کے لیے اسلامی جمہوریہ ایران
مئی