امریکہ کا 11 یمنی قیدیوں کو گوانتانامو سے عمان منتقل کرنے کا اعلان

?️ 7 جنوری 2025

سچ خبریں:امریکی وزارت دفاع نے اعلان کیا ہے کہ بدنام زمانہ گوانتانامو جیل کے 11 یمنی قیدیوں کو عمان منتقل کر دیا گیا ہے، یہ اقدام گوانتانامو جیل کو بند کرنے کی جاری کوششوں کا حصہ ہے۔

واشنگٹن پوسٹ کی رپورٹ کے مطابق امریکی وزیر دفاع لوئیڈ آسٹن نے 15 ستمبر 2023 کو کانگریس کو اس فیصلے سے آگاہ کیا تھا، یہ منتقلی عمانی حکومت کے ساتھ ہم آہنگی کے تحت مکمل کی گئی۔

یہ بھی پڑھیں: بائیڈن انتظامیہ کی خاموشی سے گوانتانامو جیل بند کرنے کی کوشش

گوانتانامو جیل 2002 میں اس وقت کے امریکی صدر جارج ڈبلیو بش کے حکم پر بنائی گئی تھی، جس کا مقصد مبینہ غیر ملکی دہشت گردوں کو قید رکھنا تھا۔

تاہم، اس جیل میں قیدیوں کے ساتھ بدسلوکی اور اذیت کی ویڈیوز سامنے آنے کے بعد عالمی برادری اور انسانی حقوق کے اداروں نے شدید احتجاج کیا۔

یاد رہے کہ بائیڈن حکومت نے اقتدار سنبھالتے وقت گوانتانامو جیل کو بند کرنے کا وعدہ کیا تھا، لیکن تاحال یہ جیل نہ بند ہو سکی اور نہ ہی اس کے خاتمے کے لیے کوئی ٹھوس منصوبہ پیش کیا گیا۔

مزید پڑھیں: امریکا کی بدنام زمانہ جیل، گوانتاناموبے سے پاکستانی بے گناہ قیدی کو رہائی کا اشارہ مل گیا

قابل ذکر ہے کہ گوانتانامو میں اس وقت 15 قیدی باقی ہیں، امریکی حکومت کے مطابق، قیدیوں کی تعداد میں کمی اور جیل کو مکمل طور پر بند کرنے کی کوششیں جاری ہیں۔