سیلاب زدگان کے لیے امداد کا سلسلہ جاری

?️

کراچی: (سچ خبریں)سیلاب زدگان کے لیے ہنگامی طبی اشیا اور امدادی سامان لے کر اقوام متحدہ کی 2 پروازیں ہفتے کے روز کراچی کے جناح انٹرنیشنل ایئرپورٹ پہنچ گئیں۔

میڈیا رپورٹس  کے مطابق ڈبلیو ایچ او کی جانب سے جاری کردہ پریس ریلیز میں بتایا گیا ہے کہ اس شپمنٹ میں 15.6 ٹن امدادی سامان موجود ہے جس میں ہیضے کی کٹس، پانی اور متعدد مقاصد کے لیے قابل استعمال خیمے شامل ہیں جنہیں طبی خیموں کے طور پر بھی استعمال کیا جا سکتا ہے۔

یہ امدادی اشیا دبئی حکومت اور انٹرنیشنل ہیومینٹیرین سٹی (آئی ایچ سی) کے تعاون سے پاکستان کو فراہم کی گئیں ہیں۔

ڈبلیو ایچ او کی پاکستان میں نمائندہ ڈاکٹر پالیتھا مہیپالا نے کہا کہ ہم اس وقت طبی سہولیات اور سامان تک رسائی کو یقینی بنانے، بیماری کے پھیلنے کے خطرے کو کم کرنے کے لیے پاکستانی حکام کے ساتھ مل کر کام کر رہے ہیں۔

ترکیہ سے عطیہ

اس کے علاوہ ترک ہلال احمر نے 200 خیمے، 1900 کمبل، 300 گدے اور دیگر امدادی اشیا بھی عطیہ کی ہیں، ترکیہ کی جانب سے عطیہ کیا گیا یہ امدادی سامان تفتان میں ہلال احمر پاکستان کے حکام کے حوالے کیا گیا۔

ہلال احمر بلوچستان کے ترجمان کے مطابق ترک ہلال احمر کی جانب سے امدادی سامان لے جانے والی مزید 2 ٹرینیں جلد پاکستان بھیجی جائیں گی۔

روہڑی تک ریلوے سروس بحال

دوسری جانب 10 مسافر ٹرینیں 15 ستمبر سے بحال کردی جائیں گی جب کہ پاکستان ریلوے پنجاب اور خیبرپختونخوا کے ساتھ سندھ کا ریل کے ذریعے رابطہ دوبارہ بحال کرنے کی کوشش کر رہا ہے۔

کئی علاقوں میں سیلابی پانی کی وجہ سے پٹڑیاں ڈوب جانے کے بعد 3 ہفتے قبل ٹرین آپریشن معطل کر دیا گیا تھا، تاہم ٹرین سروسز صرف روہڑی ریلوے اسٹیشن تک بحال کی جارہی ہیں۔

ریلوے حکام اس وقت تک لاعلم ہیں کہ کراچی اور بلوچستان کے لیے ٹرین سروس کب بحال ہوگی، خدشہ ہے کہ ان دونوں صوبوں کے درمیان ٹرین سروس بحال ہونے میں مہینوں بھی لگ سکتے ہیں۔

بحال کی جانے والی 10 ٹرینوں میں خیبر میل پشاور سے روہڑی ، رحمٰن بابا ایکسپریس پشاور سے روہڑی، کراچی ایکسپریس لاہور سے روہڑی تک ، تیزگام ایکسپریس راولپنڈی سے روہڑی، گرین لائن ایکسپریس راولپنڈی سے روہڑی تک، علامہ اقبال ایکسپریس وزیرآباد سے روہڑی، فرید ایکسپریس لاہور سے روہڑی تک ، قراقرم ایکسپریس لاہور سے روہڑی تک ، پاک بزنس ایکسپریس لاہور سے روہڑی تک اور جعفر ایکسپریس پشاور سے روہڑی تک شامل ہیں۔

مشہور خبریں۔

سیالکوٹ سانحے پر وفاقی وزیرکا تشویش کا اظہار

?️ 5 دسمبر 2021اسلام آباد(سچ خبریں) سیالکوٹ کے المناک سانحے پر  وفاقی وزیر مذہبی امور

جرمن یہودیوں کی شرکت کے ساتھ فلسطینی عوام کے ساتھ اظہار یکجہتی کے لیے برلن میں زبردست مارچ

?️ 1 جون 2025سچ خبریں: غزہ کے عوام کے خلاف صیہونی حکومت کی جارحیت کے

آپریشن رد الفساد کا مقصدپاکستانی عوام کا تحفظ ہے: بابرافتخار

?️ 22 فروری 2022راولپنڈی (سچ خبریں) پاک فوج کے شعبہ تعلقات آئی ایس پی آر

سعودی دارالحکومت پر میزائل حملے کی پاکستان کی مذمت

?️ 7 دسمبر 2021اسلام آباد(سچ خبریں) سعودی دارالحکومت ریاض پر حوثیوں کی جانب سے میزائل

حکومت نے بجلی بحران پر قابو پانے کا آسان حل ڈھونڈ لیا

?️ 26 جون 2021اسلام آباد (سچ خبریں)  تفصیلات کے مطابق حکومت نے پاور پلانٹس کو

افغانستان میں کوئی فریق فیورٹ نہیں ہے: وزیر خارجہ

?️ 3 ستمبر 2021اسلام آباد(سچ خبریں) وزیرخارجہ شاہ محمود قریشی کا کہنا ہے کہ افغانستان

برہنہ قیدیوں کے ساتھ اسرائیل کا ناٹک ختم

?️ 11 دسمبر 2023سچ خبریں:تین روز قبل صیہونی حکومت نے ایک اسکول میں پناہ لینے

وزیراعظم کل 3 روزہ دورے پر سعودی عرب روانہ ہوں گے

?️ 22 اکتوبر 2021اسلام آباد (سچ خبریں) وزیراعظم عمران خان کل تین روزہ دورے پر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے