سابق حکومت کے ایک بیان سے قومی ایئرلائن کو اربوں روپے کا نقصان ہوا۔ عطا تارڑ

?️ 18 جولائی 2025

اسلام آباد (سچ خبریں) وفاقی وزیرِ اطلاعات عطا تارڑ نے کہا کہ سابق حکومت میں ایک بیان دے کر قومی ایئرلائن کو اربوں روپے کانقصان پہنچایا گیا۔

تفصیلات کے مطابق وفاقی وزیر اطلاعات عطا تارڑ نے اسلام آباد ہائی کورٹ کے باہر میڈیا سے گفتگو کرتے ہوئے کہا کہ ہمارے دور میں قومی ایئرلائن کی یورپ اور برطانیہ میں پروازیں بحال ہوئیں۔

ذرائع کے مطابق عطا تارڑ نے بتایا کہ قومی ایئرلائن کی پروازوں کی بحالی میں وزیرِ دفاع خواجہ آصف کا بڑا کردار ہے۔ انہوں نے کہا کہ خیبر پختونخوا میں جس طرح سے حکومت چلائی جارہی ہے وہ نااہلی کی انتہا ہے۔

وفاقی وزیر نے مزید کہا کہ خیبرپختونخوا میں کرپشن کے انبار لگے ہوئے ہیں اور مس مینجمنٹ ہے۔