تحریک انصاف تحریک عدم اعتماد والی صورتحال سے مزید مضبوط ہوکر ابھرے گی۔عمران خان

?️ 13 مارچ 2022

(سچ خبریں)وزیراعظم پاکستان عمران خان نے کہا ہے کہ تحریک انصاف تحریک عدم اعتماد والی صورتحال سے مزید مضبوط ہوکر ابھرے گی۔

 ان خیالات کا اظہار انہوں نے یہ بات ارکان قومی اسمبلی اور مخصوص نشستوں پر منتخب ارکان سے ملاقات کے دوران کیا۔

 وزیر اعظم عمران خان نے کہا کہ حکومت کی کامیاب معاشی پالیسیوں کے باعث دیوالیہ معیشت کو استحکام ملا۔ اس موقع پر انہوں نے ارکان کو عوام سے روابط مزید مضبوط کرنے کی ہدایت کی۔

وزیراعظم نے کہا کہ حکومت عوام کی پریشانیوں سے پوری طرح آگاہ ہے، پیٹرول اور ڈیزل کی قیمت میں فی لیٹر 10 روپے جب کہ بجلی کی قیمت میں بھی فی یونٹ 5 روپے کمی کی گئی ہے۔

ان کا کہنا تھا کہ حکومت نے عوام دوست اقدامات کیے ہیں، آئی ٹی کو فروغ دینے اور روزگار کے مواقع پیدا کرنے کیلئے ٹیکس میں چھوٹ دی، آئی ٹی اسٹارٹ اپس میں سرمایہ کاری کے لیے بھی کیپیٹل گین ٹیکس میں 100فیصد چھوٹ دی۔

وزیراعظم نے کہا کہ کامیاب پاکستان پروگرام میں کاروباری قرضوں پر 407ارب روپے سبسڈی دی جائے گی۔

انہوں نے کہا کہ احساس پروگرام کا وظیفہ 12ہزار سے بڑھاکر14ہزار روپے کردیا،26لاکھ اسکالرشپس کیلئے38 ارب مختص کیے گئے ہیں۔

وزیراعظم نے کہا کہ حکومت عوام کی پریشانیوں سے پوری طرح آگاہ ہے، پیٹرول اور ڈیزل کی قیمت میں فی لیٹر 10 روپے جب کہ بجلی کی قیمت میں بھی فی یونٹ 5 روپے کمی کی گئی ہے۔

واضح رہے تحریک عدم اعتماد کے بعد سے تحریک انصاف بھی ملک بھر میں جلسے کر رہی ہے اسی سلسلے کو جاری رکھتے ہوئے  تحریک انصاف کا کل چوتھا جلسہ ہوگا،تحریک انصاف اس سے پہلےمنڈی بہائوالدین،میلسی اور لوئر دیر میں جلسے کرچکی ہے۔

سینیٹر فیصل جاوید سماجی رابطے کی ویب سائٹ پر لکھا کہ حافظ آباد تیار ہو!

سینیٹر فیصل جاوید نےکہا کہ عوام وزیراعظم پر بھرپور اعتماد کررہے ہیں،اپوزیشن کی تحریک عدم اعتماد عمران خان پر اعتماد پلس میں بدل گئی۔