اپوزیشن کا ہدف وزیر اعظم کو ڈسٹرب اور پریشان کرنا ہے

?️ 9 مارچ 2021

لاہور (سچ خبریں) اعتماد کا ووٹ حاصل کرنے کے بعد اپوزیشن بوکھلاہٹ کا شکار ہے اور وہ مسلسل عمران خان کو پریشان کر رہی ہے اپوزیشن نے وزیراعظم عمران خان کو مسلسل ڈسٹرب رکھنے کی پالیسی اپنا لی ہےجب کہ سینئر تجزیہ کاروں کا کہنا ہے کہ سینیٹ انتخابات کے بعد پی ڈی ایم کا پہلا ہدف یوسف رضا گیلانی کو چئیرمین سینیٹ بنانا ہے.

پی ڈی ایم کو عثمان بزدار کو ہٹانے کے لیے حکومتی بنچوں سے مدد درکار ہو گی،پنجاب میں تبدیلی کے لیے سب سے اہم کردار چوہدری برادران کا ہو گا۔صحافی مظہر عباس کے مطابق پی ڈی ایم نے پچھلے چند دنوں میں آصف زرداری کی سیاست اپنا کر اپنی سیاسی اہمیت منوالی ہے۔پی ڈی ایم نے عمران خان کو مسلسل ڈسٹرب رکھنے کی پالسی اپنا لی ہے۔

خیال رہے کہ پی ڈی ایم نے پنجاب میں تبدیلی اور چئیرمین سینیٹ کے لیے حکومت کی اتحادی جماعتوں سے بھی مدد طلب کی۔

تاہم چیئرمین سینیٹ کے الیکشن کے لیے چوہدری برادران نے یوسف رضا گیلانی کی حمایت سے معذرت کرلی۔ چیئرمین سینیٹ کے الیکشن میں پی ڈی ایم اتحاد کے متفقہ امیدوار کی حمایت کے لیے چیئرمین پیپلزپارٹی بلاول بھٹو زرداری نے پاکستان مسلم لیگ ق کے سربراہ چوہدری شجاعت حسین اور اسپیکر پنجاب اسمبلی چوہدری پرویز الٰہی سے لاہور میں ان کی رائش گاہر پر ملاقات کی ، تاہم چوہدری برادران نے چیئرمین سینیٹ کے انتخابات میں یوسف رضا گیلانی کی حمایت سے معذرت کی۔

یوسف رضا گیلانی کے لیے حمایت مانگنے کے جواب میں سربراہ ق لیگ چوہدری شجاعت حسین نے کہا کہ حکومتی اتحادی ہیں ، حکومت کو پہلے ہی یقین دہانی کروا چکے ہیں ، ہماراشیوہ نہیں کہ کسی سے ایساوعدہ کریں جوہمارے اصولوں کے خلاف ہو۔ انہوں نے کہا کہ بلاول بھٹو زرداری ہمارے گھرآئے ، ان کی عزت کرتے ہیں تاہم حکومت کے اتحادی ہیں اور سینیٹ میں بھی ان کے ساتھ کھڑے ہیں۔