🗓️
اسلام آباد: (سچ خبریں) عام انتخابات سے متعلق درخواست واپس لینے پر چیف جسٹس قاضی فائز عیسیٰ نے اظہار برہمی کرتے ہوئے درخواست گزار کو پیش کرنے کا حکم دے دیا۔
میڈیا رپورٹس کے مطابق عام انتخابات کالعدم قراردینے سے دائردرخواست پر سپریم کورٹ میں سماعت ہوئی، چیف جسٹس قاضی فائز عیسی کی سربراہی میں سپریم کورٹ کے 3 رکنی بینچ نے سماعت کی، بینچ کے دیگر 2 ارکان میں جسٹس محمد علی مظہراورجسٹس مسرت ہلالی شامل ہیں، سماعت کے آغاز پر درخواست گزار کی عدم پیشی پر چیف جسٹس نے استفسار کیا کہ ’درخواست گزار کدھر ہیں؟‘ جسٹس محمد علی مظہرنے کہا کہ ’درخواست گزارنے 13 فروری کوپٹیشن واپس لینے کی استدعا کررکھی ہے‘۔
درخواست گزار بریگیڈیئر (ر) علی کی جانب سے درخواست واپس لینے پر چیف جسٹس نے کہا کہ ’ایسے سپریم کورٹ کے ساتھ مذاق نہیں ہو سکتا‘، درخواست گزارکو کہیں سے بھی لا کر پیش کریں، یہ کیس ہم سنیں گے، پہلے درخواست داٸرکرتے ہیں اورپھراب غاٸب ہوجاتے ہیں، کیا یہ مذاق چل رہا ہے؟
اس موقع پر کورٹ ایسوسی ایٹ نے عدالت کو بتایا کہ ’درخواست گزارسے بذریعہ فون اورایڈریس پررابطہ کرنے کی کوشش کی‘، اس پر چیف جسٹس نے کہا کہ ’کیا محض تشہیر کے لیے درخواست دائر کی گئی تھی؟ درخواستگزارکو کسی بھی طرح پیش کریں یہ کیس چلائیں گے، درخواست گزار نے درخواست دائر کرتے ہی خود میڈیا پرجاری کردی، ایسے نہیں چلے گا، عام طورپردرخواست دائرہوتے ہی میڈیا پرجاری نہیں ہوجاتی، درخواست گزار سے بذریعہ فون دوبارہ رابطہ کریں، اس طرح سے سپریم کورٹ کا مذاق نہیں بنایا جاسکتا، کیا پتا درخواست گزار نے خود درخواست فائل کی بھی یا نہیں، کیا پتا بعد میں آکردرخواست گزار کہہ دیں کہ میں نے واپس نہیں لی‘۔
چیف جسٹس نے ایڈیشنل اٹارنی جنرل کومتعلقہ ایس ایچ او کے ذریعے درخواست گزارکو پیش کروانے کا حکم دیتے ہوئے کہا کہ ’کیس کی سماعت آج ہی درخواست گزار کے آنے پر ہو گی‘۔
مشہور خبریں۔
یوکرین کی جنگ سے فاتحانہ انخلاء کے بارے میں امریکہ کا تاثر خودکشی
🗓️ 18 فروری 2023سچ خبریں:ایک تجربہ کار امریکی مصنف اور تجزیہ کار سیمور ہرش نے
فروری
آئی ایف جے صحافیوں کی آواز دبانے اور اظہار رائے پر قدغن لگانے والے پیکا جیسے قوانین کے خلاف ہے .صدر انٹرنیشنل فیڈریشن آف جرنلسٹس
🗓️ 18 فروری 2025اسلام آباد: (سچ خبریں) پاکستان فیڈرل یونین آف جرنلسٹس کا آئی ایف
فروری
امن کا آدمی مارا گیا: نیو یارک ٹائمز
🗓️ 31 جولائی 2024سچ خبریں: آج صبح قبل سپاہ پاسداران انقلاب اسلامی کے تعلقات عامہ
جولائی
پاناما پیپر لیکس میں ایف بی آر کو کیوں نظر انداز کیا گیا؟ سپریم کورٹ
🗓️ 17 جون 2023اسلام آباد:(سچ خبریں) سپریم کورٹ نے سوال اٹھایا ہے کہ پاناما پیپرز
جون
صہیونیوں کے خلاف بولنے پر برطانوی یونیورسٹی کے پروفیسر برطرف
🗓️ 3 اکتوبر 2021سچ خبریں:برطانیہ کی برسٹل یونیورسٹی کے عہدیداروں نے سماجیات کے ایک پروفیسر
اکتوبر
65 سال عمر کی حد ختم، ماہانہ 20 لاکھ روپے تک تنخواہ پر نئی تعیناتیوں کی راہ ہموار
🗓️ 20 اپریل 2024اسلام آباد: (سچ خبریں) وفاقی کابینہ نے اہم تعیناتیوں میں 65 سال
اپریل
افغان طالبان کا بحران کو مذاکرات کے ذریعے حل کرنے کے لئے اپنے عزم کا اعلان
🗓️ 18 جولائی 2021سچ خبریں:افغان طالبان رہنما نے عید الاضحی کے موقع پر ایک مبارکبادی
جولائی
مغرب کے اقدامات کی وجہ سے ایٹمی خطرے کی سطح میں اضافہ
🗓️ 10 اکتوبر 2024سچ خبریں: روسی وزارت خارجہ کی ترجمان ماریا زاخارووا نے اعلان کیا کہ
اکتوبر