الیکشن کمیشن میں جمعیت علماء کے خلاف درخواست جمع

الیکشن کمیشن

?️

الیکشن کمیشن میں جمعیت علماء کے خلاف درخواست جمع

اسلام آباد (سچ خبریں) الیکشن کمیشن میں جمعیت علمائے اسلام (ف) کے خلاف فارن فنڈنگ کی تحقیقات کے لیے درخواست جمع کروانے کے بعد میڈیا سے گفتگو کرتے ہوئے فرخ حبیب نے کہا کہ حافظ حسین احمد نے کئی بار میڈیا پر ٹاک شوز میں اعتراف کیا کہ مولانا فضل الرحمٰن نے عراق اور لیبیا سے فارن فنڈنگ لی، اس کی تحقیقات ہونی چاہئیں

حکمراں جماعت پاکستان تحریک انصاف (پی ٹی آئی) کے رکن قومی اسمبلی فرخ حبیب نے کہا ہے کہ مولانا فضل الرحمٰن کے خلاف ان کی جماعت کے سینئر رہنما کی جانب سے مختلف ٹاک شوز میں فارن فنڈنگ کے اعتراف کی بنیاد پر الیکشن کمیشن میں درخواست دائر کردی ہے۔

الیکشن کمیشن میں جمعیت علمائے اسلام (ف) کے خلاف فارن فنڈنگ کی تحقیقات کے لیے درخواست جمع کروانے کے بعد میڈیا سے گفتگو کرتے ہوئے فرخ حبیب نے کہا کہ حافظ حسین احمد نے کئی بار میڈیا پر ٹاک شوز میں اعتراف کیا کہ مولانا فضل الرحمٰن نے عراق اور لیبیا سے فارن فنڈنگ لی، اس کی تحقیقات ہونی چاہئیں۔

ان کا کہنا تھا کہ انہوں نے پی ٹی آئی پر فارن فنڈنگ کا الزام لگایا اور الیکشن کمیشن کے باہر آکر احتجاج کرتے رہے لیکن اب ان کا اپنا فارن فنڈنگ کا بھانڈا ان کے سینئر رہنما نے پھوڑ دیا۔

انہوں نے کہا کہ مولانا فضل الرحمٰن کی ڈیرہ اسمٰعیل خان (ڈی آئی خان) اور چک شہزاد کی جائیدادیں بھی اسی سرمائے سے خریدی گئی ہوں گی۔

انہوں نے کہا کہ فارن فنڈنگ کی بنیاد رکھنے والی تمام جماعتیں اکٹھی ہوچکی ہیں، فارن فنڈنگ کی بنیاد نواز شریف نے رکھی اور انہوں نے اسامہ بن لادن سے خاتون کی حکمرانی کے خاتمے کے لیے ایک کروڑ ڈالر لیے، بے نظیر بھٹو نے اپنی آپ بیتی میں اس بارے میں لکھا ہے، یہ کس منہ سے فارن فنڈنگ کا سوال کر رہے ہیں۔

ان کا کہنا تھا کہ عمران خان نے انہیں چیلنج کیا کہ اسکروٹنی کمیٹی میں فارن فنڈنگ کیس کی سماعت اوپن ہو، اب یہ سامنے آئیں اور اس چیلنج کو قبول کریں۔

ایک سوال کے جواب میں پی ٹی آئی رہنما نے کہا کہ ہم نے اسکروٹنی کمیٹی کو تمام ریکارڈ فراہم کردیا ہے، مولانا فضل الرحمٰن اور مریم نواز بھی اپنی رسیدیں دیں۔

انہوں نے کہا کہ مولانا فضل الرحمٰن بتائیں کہ انہوں نے کس ایجنڈے کے تحت فارن فنڈنگ لی، کیا لانگ مارچ کے لیے بھی فارن فنڈنگ ہوئی۔

واضح رہے کہ گزشتہ ہفتے اپوزیشن نے الیکشن کمیشن کے ہیڈکوارٹرز کے باہر احتجاج کیا تھا اور 2014 سے زیر التوا پی ٹی آئی فارن فنڈنگ کیس پر فیصلے کا مطالبہ کیا تھا۔

چند روز قبل وزیر اعظم عمران خان نے الیکشن کمیشن آف پاکستان میں زیر سماعت فارن فنڈنگ کیس کی سماعت براہ راست ٹی وی پر دکھانے کی تجویز دیتے ہوئے کہا تھا کہ تمام پارٹیوں کے سربراہوں کو بھی بٹھا دینا چاہیے۔

تاہم الیکشن کمیشن نے کہا تھا کہ ان کی اسکروٹنی کمیٹی مشترکہ تحقیقاتی ٹیم (جے آئی ٹی) کی طاقت اور حیثیت رکھتی ہے اور وہ غیر ملکی فنڈنگ ​​کیس کی کھلی سماعت نہیں کر سکتی۔

مشہور خبریں۔

ریاض نے بھی قدس میں صیہونی مخالف آپریشن کی مذمت کی

?️ 28 جنوری 2023سچ خبریں: ریاض نے مقبوضہ فلسطین میں پیشرفت میں اضافے پر موقف

زیلینسکی کیسے یوکرین کو تباہ کر رہے ہیں؟

?️ 5 فروری 2024سچ خبریں: یوکرین کے خلاف روسی فوجی آپریشن کے آغاز کے بعد

مسلم لیگ ن اور پیپلزپارٹی کے درمیان ہونے والی ملاقات کی اندرونی کہانی سامنے آگئی

?️ 5 فروری 2022لاہور (سچ خبریں) پاکستان مسلم لیگ ن اور پیپلزپارٹی کی اعلیٰ قیادت

نئی دہلی میں افغان سفارت خانے کے مسائل داخلی معاملہ ہیں: بھارت

?️ 4 جون 2023سچ خبریں:ہندوستان کی وزارت خارجہ کے ترجمان ارندم باغچی نے کہا کہ

 کیویز اور انگلش ٹیموں کا پاکستان میں سیریز کھیلنے سے انکار پر فواد چوہدری کا ردعمل

?️ 21 ستمبر 2021اسلام آباد (سچ خبریں) وفاقی وزیر اطلاعات فواد چوہدری نے نیوزی لینڈ

وفاقی بجٹ کی تیاری ، مشاورت کیلئے آئی ایم ایف کا وفد کل اسلام آباد پہنچے گا

?️ 3 اپریل 2025اسلام آباد: (سچ خبریں) وفاقی بجٹ 2025ء کی تیاری اور مشاورت کیلئے

وزیر خارجہ نے سعودی ھم منصب سے فون پر حج کے معاملات پر بات کی

?️ 13 جون 2021اسلام آباد(سچ خبریں) وزیر خارجہ شاہ محمود قریشی کو اپنے سعودی ہم

جنوبی عراق میں امریکی فوج کے لاجسٹک قافلے پر حملہ

?️ 4 فروری 2022سچ خبریں:عراق میں امریکی فوجیوں پر حملے جاری رکھنے کے سلسلہ کو

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے