?️
اسلام آباد: (سچ خبریں) اسلام آباد ہائیکورٹ نے ڈاکٹر عافیہ صدیقی کیس میں سستی کا مظاہرہ کرنے پر حکومت اور وزارت خارجہ پر برہمی کا اظہار کرتے ہوئے ڈاکٹر فوزیہ صدیقی کو امریکا کا ’بی‘ ویزا فراہم کروانے کا حکم دے دیا۔
اسلام آباد ہائیکورٹ میں جسٹس سردار اعجاز اسحٰق خان نے ڈاکٹر عافیہ صدیقی کی رہائی اور وطن واپسی سے متعلق کیس کی سماعت کی، ڈاکٹر فوزیہ صدیقی، وکیل عمران شفیق، منور اقبال دوگل اور دیگر عدالت میں پیش ہوئے جبکہ امریکی وکیل اسمتھ آن لائن ویڈیو لنک کے ذریعے عدالت میں پیش ہوئے۔
عافیہ صدیقی کے امریکا میں وکیل مسٹر اسمتھ نے اسلام آباد ہائیکورٹ کو آگاہ کیا کہ عافیہ کیس میں 8 روزہ دورے پر امریکا بھیجا گیا وفد 5 روز تاخیر سے پہنچا، سینیٹر بشریٰ انجم بٹ، سینیٹر طلحہ و دیگر پر مشتمل پاکستانی وفد کا وقت آج ختم ہوگیا ہے۔
انہوں نے بتایا کہ امریکا میں پاکستانی سفیر نے بھی وہاں کوئی ملاقات نہیں کی ،ڈاکٹر عافیہ صدیقی کیس میں حکومت اور وزارت خارجہ کی سستی برتنے پر عدالت نے برہمی کا اظہار کیا۔
جسٹس سردار اعجاز اسحاق خان نے ایڈیشنل اٹارنی جنرل اور نمائندہ وزارت خارجہ سے مکالمہ کرتے ہوئے کہا کہ ڈاکٹر فوزیہ یہاں ہیں، وفد نے کتنے دن وہاں رکنا ہے، مسٹر سمتھ وہاں اکیلے ہیں، سفیر نے بھی کچھ نہیں کیا، آپ نے سستی کا مظاہرہ کیا ہے اور بروقت معاملات درست نہیں کیے، وزارت خارجہ پیرا وائز کمنٹس جمع کرائے اور مکمل رپورٹ دے۔
جسٹس سردار اعجاز اسحاق خان نے مزید استفسار کیا کہ ایساکیوں ہوا اور سفارتخانے نے کَیا کِیا؟ سینیٹر طلحہ کہتے ہیں اب وہ پارلیمنٹ میں قرارداد پیش کریں گے۔
وزارت خارجہ کے نمائندے نے عدالت کو بتایا کہ وزارت خارجہ ڈاکٹر فوزیہ صدیقی کا ویزا منظور نہ کروا سکی، ڈاکٹر فوزیہ کا ویزا ایمبیسی نے منظور نہ کیا،امید ہے کہ الگ سے ویزا لگ جائے گا جس کی لئے کوشش ہے اور امید ہے جلد لگ جائے گا،گذشتہ روز بھی رابطہ ہوا، وفد کیلئے واشنگٹن میں انتظامات کیے۔
عدالت نے استفسار کیا کہ عافیہ سے آج ملاقات ہے کیا؟ وکیل سمتھ نے کہا کہ جی صبح ملاقات ہوگی، عدالت نے استفسار کیا کہ ڈاکٹر فوزیہ کا ویزا کب تک لگنے کی امیدہے، ڈاکٹر فوزیہ صدیقی نے کہا کہ میرے پاس پاسپورٹ نہیں ہے۔
عدالتی معاون نے بتایا کہ ویب سائٹ پر تھاکہ جس دن ڈاکٹر فوزیہ کا ’اے‘ ویزا اپلائی ہوا اسی روز مسترد کردیا گیا، وزارت خارجہ کے نمائندے نے یہاں بتایاکہ ویزا پراسس میں ہے۔
ڈاکٹر فوزیہ صدیقی روسٹرم پر آئیں اور کہا کہ اس عدالت میں سماعت کے بعد میں نے عافیہ صدیقی کی وطن واپسی سے متعلق اپنے اعلیٰ حکام کو خطوط لکھے، میں نے صدر، وزیر اعظم ، چیف آف آرمی سٹاف، ڈی جی آئی ایس آئی کو خطوط لکھے، میں نے وزارت داخلہ اور دفاع کو بھی خطوط لکھے۔
انہوں نے کہاکہ حیرت انگیز طور پر آرمی چیف اور ڈی جی آئی ایس آئی کو لکھے گئے خطوط واپس لینے کا کہا گیا، دونوں آفسز نے میرے خط وصول کرکے واپس کردیے ، ان پر خط وصولی کے دستخط موجود ہیں، ڈاکٹر فوزیہ صدیقی نے خط کہ واپسی کا ریکارڈ عدالت کو دکھا دیا۔
عدالت نے سیکریٹری وزارت خارجہ کو فوزیہ صدیقی کو ’بی‘ ویزا فراہم کروانے کا حکم دے دیا، عدالت نے کیس کی مزید سماعت اگلے جمعہ تک ملتوی کردی۔
مشہور خبریں۔
سعودی عرب کا اسرائیل کے ساتھ تعلقات بحال کرنے کے بارے میں اہم بیان
?️ 22 فروری 2022سچ خبریں:سعودی وزیر خارجہ نے اپنے خطاب میں کہا کہ اگر حالات
فروری
سب سے زیادہ صحافیوں کو قید کرنے والے ممالک میں سعودی عرب بھی شامل
?️ 17 دسمبر 2021سچ خبریں:دنیا بھر میں سب سے زیادہ صحافیوں کو سلاخوں کے پیچھے
دسمبر
بلاول کل ناسمجھی میں گفتگو کررہے تھے: وزیر خارجہ
?️ 1 جولائی 2021اسلام آباد (سچ خبریں) وفاقی وزیر خارجہ شاہ محمود قریشی نے بلاول
جولائی
سینئر ججز کی ججوں اور بیوروکریٹس کی پروموشن میں خفیہ ایجنسیوں کی مداخلت کی مخالفت
?️ 22 دسمبر 2024 اسلام آباد: (سچ خبریں) عدلیہ کے دو سینئر ججز نے ججز
دسمبر
بحران استحصال؛ تل ابیب یوکرین کے یہودیوں کی مقبوضہ فلسطین منتقلی کا ڈھول پیٹ رہا ہے
?️ 6 مارچ 2022سچ خبریں: صیہونی حکومت دنیا بھر کے یہودیوں کو مقبوضہ فلسطین میں
مارچ
خرطوم آزاد ہوا؛ امارات کی حمایت یافتہ فوج کی شکست
?️ 27 مارچ 2025سچ خبریں: خرطوم پہنچنے اور صدارتی محل میں حاضری کے بعد سوڈان
مارچ
اسد عمر کی جانب سے عمران خان کی پالیسیوں پر تنقید، پی ٹی آئی برہم
?️ 20 جون 2023اسلام آباد:(سچ خبریں) پاکستان تحریک انصاف (پی ٹی آئی) نے رہنما اسد
جون
انسانی حقوق کونسل میں بحرین کی فلسطینی قوم کے ساتھ خیانت، فلسطینی تنظیموں نے شدید تنقید کردی
?️ 26 مارچ 2021بحرین (سچ خبریں) انسانی حقوق کونسل میں بحرین نے فلسطینی قوم کے
مارچ