اقوام متحدہ کے ڈپٹی سکریٹری جنرل کا النصیرات کیمپ حملے پر ردعمل

🗓️ 9 جون 2024

سچ خبریں: اقوام متحدہ کے ڈپٹی سکریٹری جنرل برائے انسانی امور نے غزہ کی پٹی کی صورتحال اور النصیرات کیمپ میں صہیونی حکومت کے کل کے جرم پر ردعمل کا اظہار کیا ہے۔

المیادین نیوز چینل کی رپورٹ کے مطابق اقوام متحدہ کے ڈپٹی سکریٹری جنرل برائے انسانی امور مارتین گریفتھس نے اپنے بیان میں کہا کہ النصیرات کیمپ میں قتل عام کے مناظر اس بات کا ثبوت ہیں کہ اس جنگ کی شدت میں اضافہ ہو رہا ہے۔

یہ بھی پڑھیں: صیہونی فوج کے ہاتھوں ایک ہی فلسطینی خاندان کے چھ افراد شہید

انہوں نے مزید کہا کہ النصیرات کیمپ اس تباہی کا مرکز ہے جس میں غزہ کی پٹی مبتلا ہے۔

قابل ذکر ہے کہ کل صہیونی فوجیوں نے اپنے چار قیدیوں کو آزاد کرانے کے دوران النصیرات کیمپ میں ایک خونی قتل عام کیا۔

اسلامی مزاحمتی تحریک حماس کی عسکری ونگ القسام بریگیڈز کے ترجمان ابوعبیدہ نے ایک بیان میں النصیرات کیمپ میں صہیونی فوجیوں کی جانب سے چار قیدیوں کی رہائی کرانے کے لیے انجام دیے جانے والے جرم کی حقیقتوں کو فاش کیا۔

ابوعبیدہ نے کہا کہ صہیونی دشمن نے وسطی غزہ کی پٹی میں النصیرات کے علاقے میں جو کچھ کیا وہ ایک مرکب جنگی جرم ہے اور سب سے پہلے اس کا نقصان ان کے قیدیوں کو ہوا۔

مزید پڑھیں: غزہ میں ایک اور خوفناک دن

القسام بریگیڈز کے ترجمان نے کہا کہ دشمن نے ہولناک جرائم کا ارتکاب کر کے اپنے چند قیدیوں کو آزاد کر لیا لیکن اس دوران ان میں سے مزید کئی قیدیوں کو بھی مار ڈالا۔

رپورٹ کے مطابق اس کارروائی میں کم از کم 210 فلسطینی شہید اور 400 سے زائد زخمی ہوئے ہیں۔