پاکستانی فوج کے آپریشن "بنیان مرصوص” پر میڈیا کی توجہ  

سچ خبریں:پاکستان نے بھارت کے خلاف اپنے فوجی آپریشن کو "بنیان مرصوص” کا نام دیا، جو قرآن کے سورہ صف کی آیت سے ماخوذ ہے اس نام نے علاقائی و بین الاقوامی میڈیا کی توجہ حاصل کی ہے، جسے پہلے فلسطینی و یمنی مزاحمت کار بھی استعمال کر چکے ہیں۔

پاکستانی فوج کی جانب سے بھارت کے خلاف شروع کیے گئے تازہ فوجی آپریشن کو جو نام دیا گیا ہے، اس نے نہ صرف علاقائی بلکہ بین الاقوامی میڈیا کی بھی توجہ اپنی جانب مبذول کر لی ہے۔

یہ بھی پڑھیں:قومی سلامتی کمیٹی نے پاکستان کی مسلح افواج کو جوابی کارروائی کی اجازت دے دی

روسیا الیومروسی نشریاتی ادارے کی رپورٹ کے مطابق، پاکستانی فوج نے ایک باقاعدہ اعلامیے میں بھارت کی حالیہ حملہ آور پالیسی کے خلاف جوابی آپریشن کا اعلان کرتے ہوئے بتایا کہ اس کارروائی کا نام "بنیان مرصوص” رکھا گیا ہے۔

"بنیان مرصوص” کا مفہوم قرآن مجید کی سورہ صف، آیت نمبر 4 سے لیا گیا ہے:

إِنَّ ٱللَّهَ يُحِبُّ ٱلَّذِينَ يُقَٰتِلُونَ فِي سَبِيلِهِ صَفًّا كَأَنَّهُم بُنْيَانٌ مَّرْصُوصٌ”

 یقیناً اللہ اُن لوگوں سے محبت کرتا ہے جو اس کے راستے میں صف بستہ ہو کر اس طرح لڑتے ہیں گویا وہ سیسہ پلائی ہوئی دیوار ہیں۔

یہ پہلا موقع نہیں کہ "بنیان مرصوص” کا نام کسی فوجی آپریشن کے لیے استعمال کیا گیا ہو۔ سنہ 2014 میں فلسطینی تنظیم سرایا القدس نے اسرائیل کے خلاف اپنے 51 روزہ دفاعی معرکے کو بھی یہی نام دیا تھا۔

 اسی طرح، 24 جنوری 2020 کو یمن کی مسلح افواج نے بھی ایک بڑے آپریشن کو "بنیان مرصوص” کے نام سے شروع کیا، جس میں انہوں نے صنعاء پر حملہ کرنے والی داخلی بغاوت کی قوتوں کے خلاف بڑی کامیابی حاصل کی تھی۔

مزید پڑھیں:پاکستان پر بھارتی میزائل حملے مودی حکومت کے ہندو توا ایجنڈے کا تسلسل ، حریت کانفرنس

پاکستان کی طرف سے اس قرآنی اصطلاح کے انتخاب کو ایک گہرے پیغام کے طور پر دیکھا جا رہا ہے،ایسا پیغام جو نہ صرف عسکری عزم کا اظہار کرتا ہے بلکہ مذہبی اور نظریاتی وابستگی کو بھی نمایاں کرتا ہے۔