صرف ایک ایرانی میزائل نے تل ابیب کے ایک پورے علاقے کو مٹی میں ملا دیا

سچ خبریں:صہیونی ذرائع ابلاغ نے اعتراف کیا ہے کہ ایران کی جانب سے داغے گئے صرف ایک میزائل کی ضرب سے تل ابیب کے بات یام علاقے کا ایک مکمل حصہ مکمل طور پر تباہ ہو گیا ہے، جسے زمین بوس کہنا بجا ہو گا۔

المنار اور المسیرہ نیوز چینلز کی رپورٹس کے مطابق، عبرانی زبان کے صیہونی میڈیا نے اس بات کی تصدیق کی کہ ایران کے ایک میزائل نے براہِ راست بات یام کے رہائشی علاقے کو نشانہ بنایا، جس کے نتیجے میں شدید جانی و مالی نقصان ہوا۔

یہ بھی پڑھیں:ایرانی میزائلوں نے تل ابیب کو ہلا کر رکھ دیا، صیہونیوں کا اعتراف 

اسی تناظر میں، الجزیرہ نے صہیونی ذرائع کے حوالے سے خبر دی کہ بات یام میں ایرانی میزائل حملے کے نتیجے میں ہلاکتوں کی تعداد 10 ہو چکی ہے جبکہ زخمیوں کی تعداد 240 سے تجاوز کر گئی ہے۔

 رپورٹس کے مطابق، ان حملوں میں کم از کم 61 عمارتیں یا تو مکمل طور پر منہدم ہو گئیں یا شدید نقصان سے دوچار ہوئیں، صیہونی میڈیا نے اعتراف کیا کہ ابھی بھی درجنوں افراد ملبے تلے دبے ہوئے ہیں، جنہیں نکالنے کے لیے ریسکیو آپریشن جاری ہے۔

عینی شاہدین کے مطابق، دھماکے کی شدت اتنی زیادہ تھی کہ کئی کلومیٹر دور تک عمارتیں لرز اٹھیں اور کھڑکیوں کے شیشے ٹوٹ گئے، مقامی ہسپتالوں میں ایمرجنسی نافذ کر دی گئی ہے، جبکہ حکومت نے عام شہریوں سے اپیل کی ہے کہ وہ ہنگامی مراکز میں خون عطیہ کریں۔

مزید پڑھیں:اسرائیل ایرانی میزائیلز کو روکنے میں ناکام، ہنگامی صورتحال کا اعلان

اس واقعے نے اسرائیل کے مشہور آئرن ڈوم دفاعی نظام پر بھی سوالات کھڑے کر دیے ہیں، جس کا دعویٰ تھا کہ وہ ایسے حملوں کو روکنے کی صلاحیت رکھتا ہے لیکن ایک واحد میزائل کی تباہ کن کامیابی نے اسرائیلی عوام اور دنیا بھر میں اس نظام کی افادیت پر شکوک پیدا کر دیے ہیں۔