جاپانی شہریوں کا صیہونی سفیر کی بے دخلی اور سفارتخانہ بند کرنے کا مطالبہ

?️ 14 ستمبر 2026

سچ خبریں:ٹوکیو میں درجنوں جاپانی شہریوں نے صیہونی سفارتخانے کے سامنے احتجاج کرتے ہوئے فلسطینیوں کے خلاف صہیونی حکومت کے جرائم کی مذمت کی اور صیہونی سفیر کی بے دخلی، نیتن یاہو کی گرفتاری اور سفارتخانہ بند کرنے کا مطالبہ کیا۔

جاپان کے شہریوں نے ٹوکیو میں صہیونی حکومت کے سفارتخانے کے سامنے احتجاجی مظاہرہ کرتے ہوئے صیہونی سفیر کو ملک سے نکالنے اور اس حکومت کا سفارتخانہ بند کرنے کا مطالبہ کیا۔

الدیار کے مطابق، درجنوں جاپانی شہریوں نے ٹوکیو میں صہیونی حکومت کے سفارتخانے کے سامنے احتجاج کیا اور فلسطینی عوام کے خلاف صہیونی حکومت کے جرائم کی مذمت کرتے ہوئے اسرائیل کے نئے سفیر کو ملک سے نکالنے کا مطالبہ کیا۔

مظاہرین نے فلسطینی پرچم ہاتھوں میں اٹھا رکھے تھے اور غزہ کی پٹی میں جنگ فوری طور پر روکنے کے حق میں نعرے لگائے۔

جاپانی سکیورٹی فورسز نے بھی احتجاج کے دوران سفارتخانے کے اطراف میں بڑی تعداد میں اہلکار تعینات کیے۔

جاپان میں ’’اینٹی آرمز ٹریڈ نیٹ ورک‘‘ نے اعلان کیا کہ اس احتجاج کا مقصد جاپانی حکومت کے سامنے باضابطہ طور پر اپنا احتجاج ریکارڈ کرانا تھا۔

مظاہرین نے صیہونی وزیر اعظم بنیامین نیتن یاہو کی گرفتاری اور جاپان میں صہیونی قابض حکومت کا سفارتخانہ بند کرنے کا بھی مطالبہ کیا۔ انہوں نے ٹوکیو اور تل ابیب کے درمیان تعلقات، بالخصوص فوجی اور ہتھیاروں کے شعبے میں تعاون پر بھی شدید اعتراض کیا۔