بھارت کا پاکستان کے خلاف نیا اقدام

سچ خبریں:بھارت نے کشیدگی پھیلانے کے الزام میں 16 پاکستانی یوٹیوب چینلز کو بند کر دیا، جن کے مجموعی طور پر 63 ملین فالورز تھے، اس اقدام کے ساتھ ہی لائن آف کنٹرول پر فائرنگ کے تبادلے کی خبریں بھی سامنے آئیں۔

روسیا الیوم کی رپورٹ کے مطابق، سرکاری ذرائع نے اعلان کیا ہے کہ بھارت نے 16 پاکستانی چینلز بشمول یوٹیوب پر  موجود کئی معروف نیوز چینلز کو بند کر دیا ہے، بھارتی حکومت کا دعویٰ ہے کہ یہ نیٹ ورکس فرقہ وارانہ کشیدگی پھیلانے والی مواد نشر کر رہے تھے۔

یہ بھی پڑھیں:پاک بھارت کشیدگی؛ پیٹرولیم مصنوعات کی وافر مقدار ذخیرہ کرنے کے احکامات جاری

ذرائع نے مزید بتایا کہ بند کیے گئے ان چینلز کے مجموعی طور پر 63 ملین فالورز تھے۔ یہ کارروائی بھارتی وزارت داخلہ کی ہدایت پر عمل میں لائی گئی ہے۔

ادھر، بھارتی فوج نے ایک بیان جاری کرتے ہوئے الزام عائد کیا ہے کہ پاکستانی افواج نے ایک بار پھر جنگ بندی معاہدے کی خلاف ورزی کی ہے۔

 بیان کے مطابق، پاکستانی فوج نے گزشتہ شب جموں و کشمیر میں لائن آف کنٹرول کے کوپوارہ اور پونچھ سیکٹرز میں بلااشتعال فائرنگ کی۔

بیان میں مزید کہا گیا کہ بھارتی افواج نے اس پاکستانی کارروائی کا فوری جواب دیا۔

مزید پڑھیں:کشیدگی بڑھانا نہیں چاہتے لیکن حملہ ہوا تو اس سے بڑا جواب دیں گے، وزیر دفاع

یہ کشیدگی ایسے وقت میں سامنے آئی ہے جب حال ہی میں بھارتی زیر انتظام کشمیر میں سیاحوں کے ایک گروپ پر حملہ ہوا، جس کے بعد نئی دہلی اور اسلام آباد کے درمیان تعلقات میں مزید تناؤ آ گیا ہے، اور سرحدی علاقوں میں فائرنگ کے تبادلے کی خبریں تواتر سے سامنے آ رہی ہیں۔