ایرانی میزائل حملے سے حیفا آئل ریفائنری تباہ؛صیہونی میڈیا کا اعتراف

سچ خبریں:صیہونی ویب سائٹ اسرائیل ڈیفنس کے مطابق، ایرانی میزائل حملے میں حیفا کی آئل ریفائنری کو شدید نقصان پہنچا ہے، جس کے بعد صیہونی کابینہ نے فوری بحالی اور ایندھن کی کمی کے خدشات کے باعث ایمرجنسی مرمت کی منظوری دے دی ہے۔

المیادین نیوز چینل کی رپورٹ کے مطابق، صیہونی دفاعی امور کی خصوصی ویب سائٹ اسرائیل ڈیفنس نے رپورٹ دی ہے کہ ایران کے میزائل حملے میں مقبوضہ علاقوں میں واقع حیفا آئل ریفائنری کو شدید نقصان پہنچا ہے۔

یہ بھی پڑھیں:صیہونی تل ابیب اور حیفا پر ایرانی حملے سے کیوں خوفزدہ ہیں؟

واضح رہے کہ یہ ریفائنری اسرائیل کے توانائی کے بنیادی ڈھانچے میں مرکزی حیثیت رکھتی ہے اور ملک کے تقریباً دو تہائی ایندھن کی ضروریات پوری کرتی ہے۔

رپورٹ کے مطابق، اسرائیلی کابینہ نے شدید خدشات کے پیشِ نظر فوری طور پر اس ریفائنری کی بحالی کے لیے ایمرجنسی آرڈر جاری کر دیا ہے، اس ایمرجنسی فیصلے کے تحت بحالی کے کام کے لیے نہ تو کسی قسم کے سرکاری اجازت نامے کی ضرورت ہے اور نہ ہی ماحولیاتی قواعد کا لحاظ رکھا جائے گا۔

مزید پڑھیں:اسرائیل ایرانی میزائلوں کے ملبے تلے / ہلاکتوں کی چونکا دینے والی تعداد

صیہونی حکام نے تسلیم کیا ہے کہ اس شدید حملے کے بعد سرزمینِ مقبوضہ میں ایندھن کی قلت کا بحران شدت اختیار کر سکتا ہے، اور اسی لیے وزارت داخلہ نے بھی ہنگامی اقدامات کی منظوری دے دی ہے تاکہ فوری مرمت کا عمل شروع ہو سکے۔