?️
سچ خبریں:واشنگٹن ڈی سی میں ایف بی آئی کے دفتر کے قریب اسرائیلی سفارت کے اہلکاروں پر فائرنگ کا واقعہ، دو ہلاک، متعدد زخمی۔ ملزم الیاس رودریگز گرفتار، فلسطین کے حق میں نعرے۔ سکیورٹی اقدامات سخت، امریکی و اسرائیلی حکام کا ردعمل۔
روئٹرز نیوز ایجنسی کی رپورٹ کے مطابق امریکی دارالحکومت واشنگٹن ڈی سی میں واقع موزه یہود کے باہر فائرنگ کے افسوسناک واقعے میں اسرائیلی سفارت خانے کے دو اہلکار ایک مرد اور ایک خاتونجاں بحق اور متعدد زخمی ہو گئے، یہ واقعہ ایک ایسے علاقے میں پیش آیا جہاں ایف بی آئی کا علاقائی دفتر اور متعدد سرکاری عمارتیں واقع ہیں، جس کے باعث سیکورٹی انتظامات مزید سخت کر دیے گئے ہیں۔
یہ بھی پڑھیں:صیہونی حکومت سے عالمی بیزاری کا اظہار اپنے عروج پر
پولیس کے مطابق، فائرنگ اس وقت ہوئی جب اسرائیلی سفارت کے اہلکار موزه یہود سے ایک تقریب کے بعد باہر نکل رہے تھے۔ حملہ آور نے قریب سے ان پر گولی چلائی،عینی شاہدین کے مطابق، 30 سالہ حملہ آور الیاس رودریگزجو شیکاگو کا رہائشی ہے ،فائرنگ سے پہلے علاقے میں مشکوک طور پر گھوم رہا تھا اور اس وقت نیلی جیکٹ پہنے ہوئے تھا۔
فوری کارروائی کے بعد پولیس نے ملزم الیاس رودریگز کو گرفتار کر لیا۔ گرفتاری کے وقت اور دورانِ تفتیش وہ بار بار فلسطین کو آزاد کرو کے نعرے لگاتا رہا اور کہا کہ اس نے یہ حملہ غزہ کے عوام کے لیے کیا،امریکی میڈیا کے مطابق، ملزم سے تفتیش جاری ہے جبکہ علاقے کی نگرانی مزید سخت کر دی گئی ہے۔
واقعہ ایف بی آئی واشنگٹن فیلڈ آفس کے قریب پیش آیا، جس کے فوراً بعد پولیس نے متعدد سڑکیں بند کر دیں اور جارج ٹاؤن یونیورسٹی کے اردگرد ایمرجنسی نافذ کر دی،مقامی حکام نے دیگر ممکنہ حملہ آوروں کی تلاش بھی شروع کر دی ہے اور واشنگٹن بھر میں سفارتی و یہودی مراکز کی سیکورٹی بڑھا دی گئی ہے۔
اسرائیل کے اقوام متحدہ میں سفیر دنی دانون نے واقعے کو یہود مخالف دہشت گردی قرار دیا جبکہ امریکی صدر ڈونلڈ ٹرمپ نے اسے ہولناک قرار دیتے ہوئے کہا کہ نفرت انگیزی اور انتہا پسندی کی امریکہ میں کوئی جگہ نہیں۔
امریکی وزیرِ داخلی سلامتی کریستی نوم نے کہا، ہم اس مجرم کو اس کے انجام تک پہنچائیں گے،اسرائیلی صدر اسحاق ہرتزوگ اور وزیر خارجہ نے بھی واقعے پر گہرے دکھ کا اظہار کیا اور امریکہ سے مکمل تعاون کا مطالبہ کیا،امریکی و اسرائیلی حکام کے مطابق، موجودہ حالات میں سفارتی عملے کو پہلے سے زیادہ خطرات لاحق ہیں۔
مزید پڑھیں:کیا صیہونیوں کے لئے امریکہ کچھ کر سکتا ہے ؟
پولیس اور ایف بی آئی نے واقعے کی تفتیش کا آغاز کر دیا ہے۔ مقامی اور وفاقی ادارے مسلسل رابطے میں ہیں جبکہ فیلڈ آفس سمیت اہم مقامات پر سیکورٹی ہائی الرٹ ہے،مقامی میڈیا کے مطابق، ملزم کے کسی گروہ سے تعلق کی بھی تفتیش کی جا رہی ہے۔
Short Link
Copied


مشہور خبریں۔
یوکرین کے جوہری ہتھیار تیار کرنے کا خطرہ ہے: روسی وزیر دفاع
?️ 24 مئی 2022سچ خبریں: اجتماعی سلامتی معاہدہ تنظیم CSTO کے وزرائے دفاع سے خطاب
مئی
بھارت میں کورونا وائرس کا قہر جاری، مرنے والوں کی تعداد ڈھائی لاکھ سے تجاوز کرگئی
?️ 14 مئی 2021نئی دہلی (سچ خبریں) بھارت میں کورونا وائرس کا شدید قہر جاری
مئی
اسرائیلی جیلوں سے رہا ہونے والے فلسطینیوں کے لرزہ خیز انکشافات
?️ 20 اکتوبر 2025اسرائیلی جیلوں سے رہا ہونے والے فلسطینیوں کے لرزہ خیز انکشافات جنگ
اکتوبر
غزہ پر اسرائیل کے حملوں میں کتنے طالب علم مارے جا چکے ہیں؟
?️ 28 دسمبر 2023سچ خبریں: غزہ کی وزارت تعلیم نے اعلان کیا ہے کہ اسرائیلی
دسمبر
پیپلزپارٹی ملک میں نئے ڈیموں کی تعمیر کی حمایت کرتی ہے۔ بلاول بھٹو زرداری
?️ 9 ستمبر 2025سکھر (سچ خبریں) چیئرمین پیپلزپارٹی بلاول بھٹو زرداری نے کہا ہے کہ
ستمبر
حماس نے معمر قیدیوں کی رہائی پر رضامندی ظاہر کی
?️ 17 دسمبر 2024سچ خبریں: اسرائیلی اخبار اسرائیل ہیوم نے لکھا ہے کہ ممکنہ معاہدے کے
دسمبر
ہم یروشلم کے مقدسات کی حمایت کرنے کی پوری کوشش کرتے ہیں: اردن
?️ 26 اپریل 2022سچ خبریں: اردن کے شاہ عبداللہ دوم نے پیر کی سہ پہر
اپریل
تھریڈز میں ٹرینڈز کے فیچر کی آزمائش
?️ 17 نومبر 2023سچ خبریں: فیس بک کی مالک کمپنی ’میٹا‘ کی جانب سے متعارف
نومبر