افغانستان میں بدامنی کو دیکھتے ہوئے آسٹریلیا نے اپنا سفارتخانہ بند کرنے کا اعلان کردیا

?️ 25 مئی 2021

آسٹریلیا (سچ خبریں)  امریکا نے جب سے افغانستان سے اپنی افواج کے انخلا کا عمل شروع کیا ہے جاتے جاتے ملک بھر میں شدید دہشت گردی پھیلا رکھی ہے تاکہ دنیا کو یہ بتا سکے کہ اس کے بغیر افغانستان کا کوئی مستقبل نہیں ہے اور اب امریکا کی اس سازش میں آکر آسٹریلیا نے افغانستان میں اپنا سفارتخانہ بند کرنے کا اعلان کردیا ہے۔

تفصیلات کے مطابق آسٹریلیا کے وزیراعظم سکاٹ موریسن نے اپنے ایک بیان کہا کہ آسٹریلیا افغان دارالحکومت کابل میں قائم سفارتخانہ 28 مئی 2021 بروز جمعہ سے بند کردے گا۔ افغانستان سے غیر ملکی افواج کے انخلا کے بعد حالات غیر یقینی کا شکار ہوں گے۔

وزیراعظم نے کہا کہ آسٹریلوی سفارت خانے کے سفارتی مشن کی سکیورٹی یقینی نہیں ہوگی، سکاٹ موریسن نے مزید کہا کہ آسٹریلیا فوجی نکالنے کے ساتھ سفارتخانہ بند کرے گا۔ سفارتخانہ بند کرنے کا فیصلہ عارضی ہے۔

انہوں نے کہا کہ مستقبل میں حالات ٹھیک ہونے پرسفارتخانہ دوبارہ کھولیں گے، ان کا کہنا تھا کہ آسٹریلوی سفیر سفارتخانہ بند ہونے کے باوجود افغانستان کا دورہ کرتے رہیں گے، سفیر کابل میں کسی دوسری جگہ مقیم ہوں گے۔