2028 امریکہ کے صدارتی الیکشن میں ٹرمپ کا جانشین کون ہوگا؟

?️ 10 نومبر 2025

2028 امریکہ کے صدارتی الیکشن میں ٹرمپ کا جانشین کون ہوگا؟

واشنگٹن پوسٹ نے ایک تفصیلی تجزیے میں اُن چہروں کی نشاندہی کی ہے جو ۲۰۲۸ کے صدارتی انتخابات میں ریپبلکن پارٹی کی جانب سے دونالد ٹرمپ کے جانشین کے طور پر میدان میں اتر سکتے ہیں۔ رپورٹ کے مطابق، ٹرمپ کے مسلسل غلبے اور “ماگا” (Make America Great Again) کی سیاسی روایت کو دیکھتے ہوئے ریپبلکن پارٹی کا آئندہ رہنما بھی اسی جریان کی پیروی کرے گا۔

فہرست میں سرفہرست موجودہ نائب صدر جی ڈی ونس ہیں، جو پالیسی اور بیانئے کے اعتبار سے تقریباً مکمل طور پر ٹرمپ کے ہم‌فکر سمجھے جاتے ہیں۔
یوگاو کے حالیہ سروے میں وہ ۲۰۲۸ کے لیے ریپبلکن ووٹرز کے پسندیدہ انتخاب کے طور پر سامنے آئے ہیں۔
چالیس برس سے کچھ زائد عمر کے ساتھ وہ اس فہرست کے کم سن ترین اور سیاسی اعتبار سے طویل مستقبل رکھنے والے امیدوار تصور کیے جاتے ہیں۔

وزیر خارجہ مارکو روبیو نے عالمی سیاست میں نمایاں کردار ادا کیا، خاص طور پر غزہ مذاکرات اور غیرملکی امداد کے فیصلوں میں۔ اگرچہ نظرسنجیوں میں ان کی مقبولیت ونس سے کم ہے، لیکن ٹرمپ انہیں کئی بار اپنا ممکنہ جانشین قرار دے چکے ہیں۔

سابق صدر کا بڑا بیٹا ڈونلڈ ٹرمپ جونیئر کبھی سرکاری منصب پر فائز نہیں رہا، مگر اپنے والد کا قریبی مشیر اور ماگا روایت کا “فطری وارث” سمجھا جاتا ہے۔
وہ خود کو “امریکا فرسٹ تحریک” کے تسلسل کا دعویدار بھی ظاہر کرتا ہے۔

فلوریڈا کے گورنر ران دسانتیس بھی ریپبلکن ووٹرز کی نظر میں ایک قابلِ ذکر نام ہیں۔ان کی گورنری ۲۰۲۷ میں ختم ہو رہی ہے، اس لیے وہ کسی سرکاری عہدے کے بغیر ۲۰۲۸ میں انتخاب لڑ سکیں گے۔وہ ۲۰۲۴ میں ٹرمپ کے بڑے رقیب تھے۔

امریکی آئین کے مطابق صدر دو بار سے زیادہ منتخب نہیں ہو سکتا، تاہم ٹرمپ نے بیان دیا تھا کہ وہ “پسند کریں گے” کہ تیسرے دور کے لیے کھڑے ہوں۔
کچھ ریپبلکن حلقوں کا خیال ہے کہ وہ قانونی بحران پیدا کرکے اس راستے کو ہموار کرنے کی کوشش کر سکتے ہیں، اگرچہ ایسا اقدام انہیں کانگریس میں موجود اپنے سخت گیر اتحادیوں کی حمایت سے محروم بھی کر سکتا ہے۔
۲۰۲۸ تک ٹرمپ کی عمر ۸۲ سال ہو چکی ہوگی۔

سابق گورنر کریسٹی نوئم، جنہیں ٹرمپ نے پہلے نائب صدر کے لیے غور کیا تھا، اس وقت وزارتِ امنیت داخلی کی سربراہ ہیں اور بڑے پیمانے پر مہاجرین کی بے دخلی جیسے متنازع منصوبے کی قائد بن چکی ہیں۔
ان کا نام حالیہ مہینوں میں ایک ذاتی اسکینڈل (اپنے کتے کو مارنے کے انکشاف) کے باعث بھی خبروں میں رہا۔

امریکا کے متعدد سابق سرجن جنرلز نے انہیں “خطرناک” قرار دے کر استعفیٰ کا مطالبہ کیا۔ٹولسی گابارد  سابق ڈیموکریٹ، موجودہ ڈائریکٹرِ نیشنل انٹیلیجنس ٹولسی گابارد، سابق ڈیموکریٹ امیدوار رہ چکی ہیں۔
ٹرمپ کے دور میں وہ امریکی اطلاعاتی اداروں کے “اصلاحات” کی ذمہ دار ہیں۔ نقادوں کے مطابق، ان اصلاحات نے سکیورٹی اداروں کو کمزور کیا ہے۔

یوتا کے گورنر اسپنسر کاکس ریپبلکن ووٹر بیس میں کمزور ترین پوزیشن پر ہیں، کیونکہ ان کا انداز ٹرمپ اور ماگا جریان سے مطابقت نہیں رکھتا۔