سچ خبریں:متحدہ عرب امارات کے صدر کے سیاسی مشیر نے اس ملک کی قومی سلامتی کے مشیر طحنون بن زائد کے دورہ ایران کے مقصد کا انکشاف کیا۔
متحدہ عرب امارات کے صدر کے سیاسی مشیر انور قرقاش نے متحدہ عرب امارات کے قومی سلامتی کے مشیر طحنون بن زائد کے دورہ ایران کے مقصد کا انکشاف کیا، متحدہ عرب امارات کے صدر کے سیاسی مشیر انور قرقاش نے ٹویٹ کیاکہ شیخ طحنون بن زائد کا دورہ تہران خطے میں رابطے اور تعاون کے پلوں کو مضبوط کرنے اور قومی مفادات کے تحفظ کے سلسلہ میں متحدہ عرب امارات کی کوششوں کا حصہ ہے ۔
انہوں نے کہا کہ متحدہ عرب امارات خطے کے استحکام اور خوشحالی کو مضبوط بنانے کی کوشش کرتا ہے اور اس سلسلے میں بات چیت اور مشترکہ اقدامات کے ذریعے مثبت تعلقات کو فروغ دینے اور یکساں نقطہ نظر کا خیال رکھتے ہوئے اس مقصد کو حاصل کرنے کی کوشش کرتا ہے۔