نیویارک کے میئر: میں نیتن یاہو کو گرفتار کرنے کے لیے ہر ممکن کوشش کروں گا

سچ خبریں: نیویارک کے منتخب میئر نے اس بات پر زور دیا کہ اگر نیتن یاہو اس شہر میں داخل ہوتے ہیں تو وہ اسے گرفتار کرنے کے لیے ہر ممکن کوشش کریں گے۔

نیویارک کے منتخب میئر زہران ممدانی نے اے بی سی نیوز کو انٹرویو دیتے ہوئے تاکید کی ہے کہ اگر اسرائیلی وزیراعظم بنجمن نیتن یاہو آئندہ سال اس شہر میں اقوام متحدہ کی جنرل اسمبلی کے اجلاس میں شرکت کرتے ہیں تو ان کے وارنٹ گرفتاری جاری کردیئے جائیں گے۔

انہوں نے مزید کہا: میں عہد کرتا ہوں کہ تمام ممکنہ قانونی ذرائع سے بین الاقوامی گرفتاری وارنٹ پر عمل درآمد کی کوشش کروں گا۔

ممدانی نے تاکید کی: میں نے کئی بار کہا ہے کہ نیویارک شہر بین الاقوامی قوانین کو نافذ کرتا ہے۔ ہیگ ٹریبونل کے وارنٹ گرفتاری بھی ان قوانین میں شامل ہیں۔ اس سے کوئی فرق نہیں پڑتا کہ وہ نیتن یاہو یا پوٹن کے خلاف جاری کیے گئے ہیں۔ ٹرمپ کے برعکس، میں قانون کے دائرے میں رہ کر کام کرتا ہوں اور اپنے قوانین خود نہیں بناتا۔

انہوں نے کہا: "اگر نیتن یاہو نیویارک آتے ہیں اور میں ان کے خلاف اپنی تمام تر کوششیں بروئے کار نہیں لاتا، تو میں خود کو اس شہر کا میئر کبھی نہیں سمجھوں گا۔”

مامدانی نے اس سے قبل نیتن یاہو کی گرفتاری پر زور دیا تھا اگر وہ نیویارک جاتے ہیں۔