یوکرین جنگ کی کمانڈ کس کے ہاتھ میں ہے؟ یوکرینی قیدی کا انکشاف

?️ 19 جون 2023

سچ خبریں:روسی فوج کے ہاتھوں پکڑے گئے یوکرینی فوجی کا کہنا ہے کہ ڈچ اور امریکی یوکرین جنگ کی کمانڈ کر رہے ہیں۔

گزشتہ ماہ روسی فوج کے ہاتھوں پکڑے جانے والے یوکرین کے ایک فوجی نے آر آئی اے نووستی نیوز ایجنسی کو بتایا کہ اس نے امریکی اور ڈچ کمانڈروں کو تنازعات والے علاقوں میں کمانڈ کرتے ہوئے دیکھا ہے۔

یوکرینی فوجی نے کہا کہ تنازعہ والے علاقوں میں غیر ملکی فوجیوں سے میرا سامنا ہوتا تھا جو میرے خیال میں ڈچ اور امریکی تھے جو براہ راست ہماری افواج کی کمانڈ کر رہے تھے بلکہ دراصل ہمارے ملک میں وہی لڑ رہے ہیں۔

یہ بھی پڑھیں:کیا امریکہ یوکرین کی جنگ کو ایک بڑے دلدل میں دھکیل رہا ہے؟ 

ڈیوڈ نامی یوکرینی قیدی نے یہ بھی کہا کہ یوکرینی فوجیوں کو نیٹو کے رکن ممالک کی فوج کو پہچاننے کی تربیت دی جاتی ہے جبکہ اس جنگ میں میں نے اور میرے ساتھیوں نے اکثر نیٹو کے رکن ممالک کی فوج کو پہچانا ہے اور ان کے ساتھ تعاون کیا ہے۔

اس نے یوکرین میں غیر ملکی کمانڈروں اور فوجیوں کے متکبرانہ رویے کے بارے میں بھی بات کرتے ہوئے مزید کہا کہ وہ مغرور اور بدتمیز ہیں۔

یوکرینی قیدی کا کہنا تھا کہ ایک بار جب ہم کچھ غیر ملکی فوجیوں کے ساتھ ٹریننگ گراؤنڈ پر تھے، تو ہمیں ان کا انتظار کرنا پڑا کہ وہ پہلے اپنی تربیت مکمل کریں پھر ہم شروع کریں جب کہ وہ ہمارے بعد آئے تھے۔

یاد رہے کہ یوکرین کا یہ قیدی گزشتہ فروری کی 7 تاریخ کو یوکرین کی مسلح افواج میں داخل ہوا اور 3 مئی کو روسی افواج نے اسے پکڑ لیا۔