یورپی یونین کو روس کے ساتھ تعاون ختم کرنے سے ایک ٹریلین یورو سے زائد کا نقصان

سچ خبریں: روسی نائب وزیر خارجہ الیگزینڈر گروشکو نے انکشاف کیا ہے کہ یورپی یونین (EU) کو روس کے ساتھ توانائی کے شعبے میں تجارت اور تعاون منقطع کرنے کی وجہ سے ایک ٹریلین یورو سے زیادہ کا مالی نقصان ہوا ہے۔

گروشکو نے ماسکو سے شائع ہونے والے اخبار "ایزویستیا” کے ساتھ گفتگو میں کہا کہ مختلف اندازوں کے مطابق، اگر بنیادی برآمدات کا جائزہ لیا جائے تو یورپی یونین کو توانائی کے شعبے میں تعاون ختم کرنے اور روس کے ساتھ تجارت پر پابندیوں کی وجہ سے مجموعی طور پر ایک ٹریلین ڈالر سے زیادہ کا نقصان اٹھانا پڑا ہے۔ انہوں نے بتایا کہ 2013ء میں روس اور یورپی یونین کے درمیان تجارتی حجم 417 ارب یورو تھا، جو گزشتہ سال 60 ارب یورو رہ گیا، اور اب یہ عملاً صفر کے قریب پہنچ چکا ہے۔ یہ ایک بہت بڑا مالی نقصان ہے۔

انہوں نے مزید کہا کہ یورپ میں قدرتی گیس کی قیمتیں امریکہ کے مقابلے میں چار سے پانچ گنا زیادہ ہیں، جبکہ بجلی دو سے تین گنا مہنگی ہے۔ یہ وہ قیمت ہے جو یورپ کو روس کے ساتھ تمام معاشی تعلقات محدود کرنے کی وجہ سے ادا کرنی پڑ رہی ہے۔