یمن کےصوبہ مأرب کے شہر العبدیہ میں سعودی اتحادی افواج کی خود سپردگی

?️ 23 ستمبر 2021

سچ خبریں:یمن کےصوبہ مأرب کے شہر العبدیہ میں تمام سعودی اتحادی عسکریت پسندوں نے یمنی فوج اور عوامی کمیٹیوں کے سامنے کل رات ہتھیار ڈال دیے۔

الخبر الیمنی سائٹ کی رپورٹ کے مطابق یمنی صوبہ مأرب کے باخبر ذرائع نے اطلاع دی ہے کہ یمنی فوج اور عوامی کمیٹیوں کی افواج نے گزشتہ رات صوبہ مأرب کے جنوب میں واقع العبدیہ شہر کے تمام حصوں کو سعودی اتحاد کے عسکریت پسندوں کی بغیر کسی مزاحمت کے آزاد کرا لیا ۔

رپورٹ کے مطابق صنعاء کی حکومتی افواج کی جانب سے معزول یمنی حکومت سے وابستہ عسکریت پسندوں کی تمام سپلائی لائنیں بند کرنے کے بعد وہ ہتھیار ڈالنے اور علاقے کو یمنی مزاحمتی فورسز کے حوالے کرنے پر مجبور ہوگئے۔

واضح رہے کہ العبدیہ یمن کا دوسرا شہر ہے جو گزشتہ 24 گھنٹوں میں یمنی فوج اور انصار اللہ کے قبضے میں آیا ہے، اس سے قبل حریب شہر کو سعودی اتحاد سے آزاد کرایا گیا تھاجبکہ صوبہ مأرب کے ساتھ بیک وقت صوبہ شبوہ میں بھی جھڑپیں ہو رہی ہیں،کیونکہ مأرب کی طرح شبوہ میں بھی تیل اور گیس کے بھرپور وسائل موجود ہیں۔

قابل ذکر ہے کہ یمنی مزاحمتی افواج اس وقت صوبہ شبوہ کے شہر الجوبہ میں پیش قدمی کر رہی ہیں جہاں اس سے پہلے کہ دو شہر عین اور بیحان آزاد ہوچکے ہیں ،واضح رہے کہ مأرب اور شبوا صوبوں میں یمنی افواج کی پیش رفت اس وقت سامنے آئی ہے جب یمنی انصار اللہ تحریک کے ترجمان محمد عبدالسلام نے 7 ستمبر کو کہا تھا کہ یمنی افواج کی کاروائیوں میں اضافہ ہوگا۔

11 ستمبر کو یمنی مسلح افواج کے ترجمان بریگیڈیئر جنرل یحیی سریع نے انصار اللہ کے رہنما سید عبدالمالک بدر الحوثی کی تمام یمن کے علاقوں پر دوبارہ قبضےکرنے کے سلسلہ میں کی جانے والی ایک حالیہ تقریر کا حوالہ دیتے ہوئے کہا کہ یمنی فوج نے انصاراللہ کے ساتھ معاہدہ کیا ہےکہ ایسا ہی ہوگا۔