ہندوستان میں مسلمانوں کی حالت زار؛بینک کا باحجاب خاتون کو کیش دینے سے انکار

🗓️ 25 فروری 2022

بھارتی ریاست بہار میں ایک بینک نے حجاب کر کے آنے والی خاتون کواس کے اپنے ہی اکاؤنٹ سے کیش دینے سے انکار کردیا جو اس ملک کے مسلمانوں کے ساتھ جاری امتیازی سلوک کی واضح مثال ہے۔
بھارتی ذرائع ابلاغ کی رپورٹ کے مطابق اس ملک کی ریاست بہارمیں ایک بینک نے باحجاب خاتون کوکیش دینے سے انکارکردیا،جس سے یہ ثابت ہوگیا کہ پورے بھارت میں مسلمانوں کے ساتھ امتیازی اور ناروا سلوک کا سلسلہ جاری ہے۔

اطلاعات کے مطابق ریاست بہارکے ایک بینک میں کیشئیرنے حجاب پہننے والی خاتون کوکیش دینے سے انکارکردیا،کیشئیرنے خاتون سے کیش حاصل کرنے کے لئے حجاب اتارنے کا مطالبہ کیا جب انھوں نے نہیں اتارا تو انھیں کیش دینے سے انکار کر دیا جس کے بعد باحجاب خاتون کا کہنا تھا کہ انہیں حجاب کرنے کی وجہ سے اپنے ہی اکاؤنٹ سے پیسے نکالنے سے روک دیا گیا۔

باحجاب خاتون کے حجاب اتارنے سے انکارکرنے کے بعد خاتون اوران کے والد کے شدید احتجاج پربینک کوانہیں رقم دینے پرمجبورہونا پڑا،یادرہے کہ بھارت میں ہندوانتہاپسند حجاب کے خلاف باقاعدہ مہم چلارہے ہیں جبکہ کرناٹک میں تعلیمی اداروں میں حجاب پرپابندی کے خلاف مسلمان طالبات کی درخواست کرناٹک ہائیکورٹ میں زیرسماعت ہے، تاہم ابھی تک اس کا کوئی فیسلہ نہیں ہوا ہے لیکن پھر بھی اس ریاست کے تعلیمی ادارے مسلمان باحجاب طالبات کے ساتھ امتیازی سلوک روا رکھے ہوئے ہیں۔